Премьер-лига: Ауыс-түйістер

Қазір Еуропа елдерінде футбол чемпионаттары бастала қойған жоқ. Есесіне Қазақстанның премьер-лигасындағы ойындар қыза түсуде. Соңғы күндері командалар­дың көбі ауыс-түйістер жасап, қатар­ларын біршама күшейтіп алуға ба­рын салып жатыр. «Астана» ко­ман­дасына «Ертістен» қор­ғаушы Мак­сим Жалмағам­бетов, Анатолий Дорош, осы кезге дейін Из­раильдің «Маккаби П-Т» клубын­да ойнаған серб Небойша Маринкович келді. Осылардың ішінде Дорошқа тоқталар болсақ, ол – Молдова құрамасының 28 жаста­ғы фор­варды. Осы кезге дейін бұл футболшы премьер-лигада 15 ойын өткізіп, 4 голдың авторы атанды. Сол сияқты Қазақстан Ку­богы үшін болған матчтарда тағы 3 доп соқты. Ал «Астанадан» «Шах­терге» Александр Киров, Дмитрий Шомко, Иван Шевченко мен Ұлан Қонысбаев ауысты. Киров осы кезге дейін еліміздегі 8 команданың жейдесін ауыстырып үлгеріпті. 26 жас­тағы ойыншы биылғы мау­сымда астаналықтар қатарында 8 рет алаңға шықса, 12 рет Қазақ­стан құрамасында ойна­ған. Ал соң­ғы үшеуі қараға­н­дылық ко­ман­даға жалдық негізде берілді. «Ақтөбенің» қатарын Қы­зыл­ордадан қақпашы Арслан Саты­балдин мен серб Владимир Джилас толықтырды. Джилас Сербия­ның «Ягодина» клубын­да ойна­ған. Командадан Алан Боно, Данияр Мұ­қанов, Сергей Бойченко, испан Хуан Безарес кетуге шешім қа­был­­дады. Биыл­ғы чемпионатта жақ­сы ойын өрнегін көрсетіп жүр­ген Талды­қорғанның «Жетісу» ко­мандасы да қатарын мықты ойын­шы­лармен толықтыруды мақ­сат етуде. Жақында «Жеті­су­ға» сер­­бия­лық жартылай қор­ғау­шы Марко Джалович келді. Ал сло­ве­ниялық Дарко Кременович клуб ауысты­руға мәжбүр болды. «Шахтерге» «Астанадан» ауыс­қан төрт ойын­шымен бірге «Светкависта» (Болгария) клубы­ның ша­буылшысы Василь Калоянов келді. Ал командадан «Вос­­токқа» жал­дық негізде Вячеслав Эрбес ауыс­са, Данияр Жанкин, Жандасыл Рымхан, Марғұлан Еріков сияқты ойыншылар біржолата кетті. Павлодарлық команданың бас­шылары қорғаушы Максим Жал­ма­ғам­бетовтің «Астана» клубы­на ауы­сып кетуіне байланысты қор­ғаныс шебінде орын алған ол­қы­лықты словен футболшысы Марко Балажичпен толтыруға шешім қабылдады. Бойы 194 см. келетін бұл қорғаушы жат­тық­­тыру­шылар назарына қысқы сұ­рып­тау кезінде іліккен екен. Бірақ жеме-жемге келгенде, олар легионерлер үшін қалған жалғыз вакансияны молдован Анатолий Дорошқа пай­даланғанды жөн көріпті. Сөй­те тұра, команданың бас жат­тық­тырушысы Тал­ғат Байсуфинов содан бері словен жігітін ұдайы бақылауында ұстап отырыпты. Енді мүмкіндік туған бой­да оны қатарға шақырған. Команда тағы «Ордабасыдағы» Ұлықбек Ба­каевпен және «Тобылдағы» Алексей Данаевпен келісім-шарт жасасты. Ал «Ордабасының» сапы «Тар­лан­ның» екі ойыншысы Бекзат Бейсенов және Мардан Төлебек­пен толықты. Былтырғы ел чемпионы «То­былға» ресейлік бас бапкер Сергей Петренкомен бірге Молдова­ның «Рапид» клубынан Максим Француз, Дмитрий Богдан («Қай­сар») мен Бауыржан Жолшиев («Аты­рау») келді. Сол сияқты «Аты­рау­дың» бұрын­ғы ойыншы­сы Владимир Яковлев, Данило Белич («Астана»), Иван Манче («Маккаби П-Т», Израиль) мен Милош Адамович («Шериф», Мол­дова) «Тараз» үшін ойнауға келісім берді. «Атыраудың қатары да бірнеше ойыншымен толық­қанын атап өту­ге болады. «Таразда» өнер көрсет­кен Бауыр­жан Бай­тана, Владимир Сидельников («Восток»), Данияр Мұ­қанов («Ақ­төбе»), Санат Шалекенов («Ақжайық»), Олег Сабировпен бірге Кувейттің «Әл-Саль­мия» клубынан голланд Сильвио Комвалиус ауысты. Алматының «Қай­ра­ты» да қа­та­рын күшейтуге ұмтылу үстінде. Ағылшын бапкері Джон Гре­гори командаға өзімен бірге бра­зи­лиялық Жозе Тадеу Мартинс, израильдік Йосси Шекель мен «Ертістен» Алек­сей Шакинді алып келді. Ал Тимур Байжанов «Қай­сардың» қанасына шақ келді. Таяуда ғана Павлодардың «Ертісінен» Сыр бойындағы бас қала коман­да­сына ауысып келген Ти­мур Байжанов есімді жас фут­болшы алғашқы ойы­нынан жат­тықтырушылардың да, жан­кү­йер­лердің де көңілінен шық­ты. Ол өзінің бұрынғы коман­да­сы­мен ойынның алғашқы минут­та­рын­да гол соғып, қы­зыл­ор­да­лық­тардың жеңіске жетуін қамтамасыз етті. Тимур Байжанов – Павлодар фут­болының тү­легі. Бұған дейін бірінші лига­дағы «Қазақмыс» ко­ман­дасында ойнаған. Ал «Қай­сар» са­пы­на «Ертістің» қо­салқы құра­мын­да ойнап жүр­ген жерінен алынған. «Қай­сар­ға» Байжановпен бірге Азиз Анарметов («Тараз»), қақ­па­шы Жасур Нарзикулов («Машъял», Өзбек­стан) Игорь Малыш («Закарпатье») және бас бапкерлікке Владимир Линчевский алын­ды. «Восток» клу­бы­на бұған де­йін Киевтің «Динамо», Днепро­петровскінің «Днепр» және Кривой Рогтың «Крив­басс» ко­мандаларының на­мы­­сын қор­ғаған бе­лгілі қақпашы Вячеслав Керзоненко келді. Ол Өскемен­нің коман­да­сына қақ­пашы­лар жат­тық­тыру­шысы бо­лып орна­ласты. Оны өз жат­­тық­­тыру­шы­лық штабына ук­раи­налық маман Александр Голоколосов шақырған көрі­неді. Ойын­шы­лар­дан командаға Алек­­сандр Згура («Прикарпатье», Украина) Антон Молтусинов («Астана-64») пен Вячеслав Эрбес («Шах­тер») қо­сылды. Дастан КЕНЖАЛИН.