РАХМЕТ!
Ұлы дүбірлі Астана тойының қарсаңында редакция поштасына еліміздің әр түкпіріндегі қазақстандықтардан алғысқа толы хаттар келіп түсуде. Ол хаттар сантүрлі тақырыпты қозғағанымен, ортақ түйіні біреу. Адамдар Қазақстанның қазіргі даму бағытына, жеткен жетістіктеріне ризашылықтарын білдіреді. Көпке ортақ сол шапағаттың жемісін жеке бастарының да көріп жатқандығын айтады.
Көптеген хат иелері осы жетістіктердің барлығын Елбасының елімізде жүргізіп жатқан сарабдал саясатының жемісі ретінде бағалап, Мемлекет басшысына ақжарма көңілден туған алғыстарын жеткізеді. Төменде солардың бірқатарын жариялап отырмыз.
____________________
ҚАМҚОРЛЫҚТЫ ТҮСІНЕМІЗ
Біз – қоғамның қарқынды даму кезінде өмір сүрудеміз. Сол өмір талабына сай адамдардың іс-әрекеті, ойлау жүйесі, бәрі де күннен-күнге күрделеніп, мазмұны тереңдеуде. Бұл – қазіргі ғылыми-техникалық прогреске сай өмір талабы. Соңғы кездерде оқу жүйесі, ғылым талабы жаңа деңгейге көтерілді. Оның үстіне түрлі ақпараттар өте көп. Осыған сәйкес жаһандық ой көбейді. Әр нәрсені әркім өзінше ойлайды, қорытады. Біреулердікі қате, біреулердікі дұрыс болуы мүмкін. Оларға ешкім мынауың дұрыс, мынауың дұрыс емес деп айта алмайды.
Сондықтан осындай ойлардың топталған, жиналған кезінде оларды екшеп, бір жүйеге келтіріп, адамдардың санасына дұрыс бағыт беру, сол сияқты жастарды келешекте ынталы етіп тәрбиелеуде ғалымдардың, оқытушы-профессорлардың алдында үлкен жұмыс, атқаратын іс туындайды. Әрине, ғалымдар, оқытушылар осыған уақыт бөліп, еңбектенулері керек. Бұл – күнделікті істеліп жатқан жұмысқа қосымша талап. Елбасымыздың, Үкіметтің бастамасын қолдап, халыққа түсіндіруде біздің атқаратын қызметіміз өте маңызды.
Елбасымыз осы күнделікті қарапайым еңбегімізді бағалап, бізді қолдап, еңбекақымызды көтеріп жатқанына ризашылығымызды білдіреміз. Өткен жылы ғана жалақымыз 25 пайызға көтерілсе, биыл 30 пайызға көтеріліп отыр. Мыңдаған оқытушы-профессорлар мен ғалымдар бұл қамқорлықты түсініп, халыққа, қоғамға қалтқысыз қызмет етеді деп сенемін.
Досмұхамед КІШІБЕКОВ, ҰҒА академигі, Қ.И.Сәтбаев атындағы ҚазҰТУ профессоры.
Алматы.
____________________
ҚАМҚОРЛЫҚТЫ ТҮСІНЕМІЗ
Біз – қоғамның қарқынды даму кезінде өмір сүрудеміз. Сол өмір талабына сай адамдардың іс-әрекеті, ойлау жүйесі, бәрі де күннен-күнге күрделеніп, мазмұны тереңдеуде. Бұл – қазіргі ғылыми-техникалық прогреске сай өмір талабы. Соңғы кездерде оқу жүйесі, ғылым талабы жаңа деңгейге көтерілді. Оның үстіне түрлі ақпараттар өте көп. Осыған сәйкес жаһандық ой көбейді. Әр нәрсені әркім өзінше ойлайды, қорытады. Біреулердікі қате, біреулердікі дұрыс болуы мүмкін. Оларға ешкім мынауың дұрыс, мынауың дұрыс емес деп айта алмайды.
Сондықтан осындай ойлардың топталған, жиналған кезінде оларды екшеп, бір жүйеге келтіріп, адамдардың санасына дұрыс бағыт беру, сол сияқты жастарды келешекте ынталы етіп тәрбиелеуде ғалымдардың, оқытушы-профессорлардың алдында үлкен жұмыс, атқаратын іс туындайды. Әрине, ғалымдар, оқытушылар осыған уақыт бөліп, еңбектенулері керек. Бұл – күнделікті істеліп жатқан жұмысқа қосымша талап. Елбасымыздың, Үкіметтің бастамасын қолдап, халыққа түсіндіруде біздің атқаратын қызметіміз өте маңызды.
Елбасымыз осы күнделікті қарапайым еңбегімізді бағалап, бізді қолдап, еңбекақымызды көтеріп жатқанына ризашылығымызды білдіреміз. Өткен жылы ғана жалақымыз 25 пайызға көтерілсе, биыл 30 пайызға көтеріліп отыр. Мыңдаған оқытушы-профессорлар мен ғалымдар бұл қамқорлықты түсініп, халыққа, қоғамға қалтқысыз қызмет етеді деп сенемін.
Досмұхамед КІШІБЕКОВ, ҰҒА академигі, Қ.И.Сәтбаев атындағы ҚазҰТУ профессоры.
Алматы.
