Өмірімдегі ең бағалы сыйлық

Мен алыстағы Алтай ауылында тұрамын. Ата-анам қатардағы еңбек адамдары. Әкем Еламан мәдениет қызметкері. Ауылдағы мәдени-саяси шараларға етене араласып жүреді. Кішкентай кезімде олардың ауыз екі әңгімелерінен егемендік алғаннан бергі еліміздегі оң өзгерістер жайлы естіп өстім. Тәуелсіз мемлекеті­міз­дің табыстарын Елбасымыз Нұрсұл­тан Назарбаев есімімен байланыс­ты­ратынына куә болдым. Есейе келе өзім де Нұрсұлтан атамның нұрлы жүзін теледидардан көріп, мерзімді басылымдардан оқып, ұлтының қамын жеген ұлы адам екеніне көз жеткіздім. Тым алысқа бармай-ақ, ауылы­мыз­да, мектебімізде болып жатқан жаңалықтар көз алдымызда. Күннен күнге тұрмыс түзеліп, көптеген игіліктерге қол жеткізіп келе жатқа­нымыз өңірде айқын көрінуде. Әри­не, осының бәрін бала қиялдан өткі­зе келе, Елбасыға деген іңкәрліктің арта түскенін өзім де байқамадым. Әйтеуір, бұл кісінің нұрлы жүзінен мейірім шуағы төгіліп тұратынына тәнті болатынмын. Мүмкін ол кезде Елбасынан сыйлық аламын деп ойламаған да шығармын. Бәрі аяқ астынан болды... Өткен жылы Президент Нұрсұл­тан Назарбаев халықпен тікелей эфир арқылы жүздеседі дегенде біраз қобалжыдым. Дегенмен, тәуе­кел­ге барып, компьютерім жоқ екенін жеткіздім. Шыны керек, менің өтінішім Елбасына жететініне сене қойған жоқпын. Нұрсұлтан атамнан сый­лық­қа компьютер алғанда, қуа­ны­шым­да шек болған жоқ. Президентке өтінішім жеткеніне бір қуан­сам, мені баласынбай үлкен басы­мен кішіпейілділік танытқан Нұ­р­сұлтан атама ризашылығым шексіз болатын. Бұл мені шын мәнінде қанат­тан­дырды. Елбасының елжіреген көңілі мен сенімі мен үшін үлкен жауапкершілік жүктейді. Әзірше менің қ­о­лымнан келетіні, сабағымды жақ­сы оқып, тәрбиелі-тәлімді болып өсу екенін білемін. Қазір оқу озатымын. Болашақта жоғары оқу орнына түсіп, жақсы маман болып, елімнің ертеңгі іргелі істеріне өз үлесімді қоссам деген арманым бар. Мен Нұрсұлтан Әбішұлының дені сау болып, елін жаңа биіктерге бастай берсін деп тілеймін. Нұрқанат ҚИЯҚБАЕВ, А.С.Пушкин атындағы орта мектептің 9 сынып оқушысы. Ақтөбе облысы, Байғанин ауданы.