Астанадағы жаңа рекорд

Қала күні қарсаңында корей халқының ұлттық тағамы «Ким­паб» роллы әзірленді. Осы­лайша отандық аспаздар Гин­нестің рекордтар кіта­бы­на кіруді көздеп отыр. «Кимпаб» – адам ағзасы үшін өте пайдалы әрі жедел дайын­далатын тағамның бір түрі. Оның негізгі құрамында теңіз капус­тасы мен түрлі дәмдеуіштер қо­сылып қайнатылған күріш бар. Сонымен бірге, әр адамның тал­ғамы бойын­ша тұздалған балық еті, қияр, жұмыртқадан жасалған құй­мақ, сәбіз, корей түріпі сияқ­ты көкөніс­тер қосылып әзірле­не­ді. Аталмыш тағам корейлердің ұлттық тағамы­на жататындық­тан, оны негізінен шығыс халық­тары дайындайды. Ал Кореяның кез келген сауда орындарынан бұл ас мәзірінің көп­теген түр­лерін сатып алуға бола­ды. «Кимпаб» әлем халық­тарына «суши» деген атпен кеңі­нен танылған. Тағам «Кули­нар­лар­дың сүйікті қаламызға сый­лығы» атты фестиваль шең­берінде да­йын­далды. Ол үшін 110 келі кү­ріш, 50 келі ба­лық, 450 дана жұ­мыртқа кетіпті. Астаналық аспаздар бұл таң­ға­жа­йып тағам­ды әзір­леу арқылы әлем­дік рекорд орна­тып, Гин­нес­тің рекордтар кіта­бы­на енуді көз­деуде. Статис­тикалық мәлі­мет­тер­ге сүйенсек, осыған дейін шет елдердің бірінде «Кимпаб» рол­лы­ның 128 метрлік түрі да­йын­далған екен. Ас­таналық ас­паз­дардың аталмыш тағамды да­йын­даудағы мақсаты – қала күні­не орай, ол көрсеткішті басып озу. «Кимпаб» әзірленіп жатқан сәтте «Корей барабандарының шоуы» ұжымының концерттік бағ­дарламасы басталды. Мерекелік шараға ауа-райы да өз септігін тигізіп, күн төбемізде күліп тұрды. Ал жиналған көпшілік, ұзыннан-ұзақ созылған «Ким-паб» таға­мы­ның жасалуын ерек­ше қыз­­ығу­шы­лықпен бақылаумен болды. Естеріңізге сала кетейік, қай салада болмасын Гиннестің рекордтар кітабына ену үшін, ар­на­йы комиссия мүшелерінің қа­ты­­суы шарт. Бұл ретте жаңа әлемдік рекордты растау үшін Астанаға Гиннестің рекордтар кі­табының өкілдері арнайы ат арытып келіп, оның жасалу жо­лын бекітілген талап бойынша бақылап тұрды. Сөйтіп, әлемдегі ең ұзын «Кимпаб» тағамы да­йын­далып, арнайы қазылар ал­қа­сы қолдарына өл­шеуіш құрал алып, оның қанша еке­нін өлшеп шық­ты. Нәтиже таң­ғаларлық. Оның ұзындығы күт­кен­дегідей 150 емес, 157 метр 87 санти­метр­ді құраған. Рекорд бас­тал­ған­­нан кейін шеф аспазшының ко­ман­дасы тағамды теңдей бө­лік­­тер­ге бөліп, Астана тұрғын­дары мен қала қонақтарына дәм тат­қыз­ды. Қала жұртшылығы дән риза болып, өздерінің оң баға­сын беріп жатты. Іс-шараны қаланың кәсіп­кер­лік және өнеркәсіп басқар­масы, «Korean House» мейрам­ханасы, сондай-ақ Корей мә­дениет орта­лығы ұйымдас­ты­рып отыр. Жұлдыз БАЙДІЛДА.