Қазақстан Республикасы Үкіметінің қаулысы №519

  Қазақстан Республикасы Үкіметінің 2011жылғы «16» мамырдағы №519 қаулысымен бекітілген Ұлттық ғылыми кеңестердің тізбесі Ұлттық ғылыми кеңестер ғылымның мынадай бағыттары бойынша құрылады: 1) энергетика; 2) шикізат пен өнімді тереңдетіп қайта өңдеу; 3) ақпараттық және телекоммуникациялық технологиялар; 4) өмір туралы ғылым; 5) елдің зияткерлік әлеуеті.     Қазақстан Республикасы Үкіметінің 2011 жылғы «16» мамырдағы №519 қаулысымен бекітіген Ұлттық ғылыми кеңестер туралы ереже   1. Жалпы ережелер   1. Осы Ереже «Ғылым туралы» Қазақстан Республикасының 2011 жылғы 18 ақпандағы Заңына сәйкес әзірленген және ұлттық ғылыми кеңестер (бұдан әрі – Кеңестер) қызметінің құқықтық және ұйымдастырушылық негіздерін айқындайды. 2. Кеңестер ғылыми және (немесе) ғылыми-техникалық қызметтің даму бағыттары бойынша алқалы орган болып табылады. 3. Кеңестер Қазақстан Республикасының әлеуметтік-экономикалық дамуының мемлекеттік басымдықтарына сәйкес ғылым бағыттары бойынша құрылады. 4. Кеңестердің жұмысын ұйымдастыратын Мемлекеттік ғылыми-техникалық сараптама ұлттық орталығы (бұдан әрі – Кеңестердің жұмыс органы) Кеңестердің жұмыс органы болып табылады.   2. Кеңестердің міндеттері мен функциялары 5. Кеңестердің негізгі міндеттері: 1) Жоғары ғылыми-техникалық комиссия айқындаған басымдықтарға сәйкес мамандандырылған ғылыми бағыттарды қалыптастыру; 2) ғылыми зерттеулер жүргізу үшін бөлінетін қаржыландырудың нысандары мен көлемдерін айқындау; 3) ұсынылатын ғылыми, ғылыми-техникалық жобалар мен бағдарламалардың ғылыми жаңалығын, ғылыми-техникалық деңгейін, перспективасын, әзірлену дәрежесін, сұралып отырған қаржыландыру көлемінің экономикалық негіздемесін бағалау; 4) Қазақстан Республикасының жаңа ғылыми бағыттарға қажеттіліктерін бағалау; 5) мемлекеттік бюджеттен қаржыландыруға ұсынылатын іргелі және қолданбалы зерттеулер бойынша ғылыми, ғылыми-техникалық жобалар мен бағдарламаларға конкурстық іріктеуді жүзеге асыру; 6) жүргізілетін ғылыми зерттеулердің іске асырылу барысын, оның ішінде жұмыс орнына бару арқылы мониторингілеу болып табылады. 6. Кеңестер мемлекеттік бюджет қаражаты есебінен: 1) ғылыми-зерттеу, тәжірибелік-конструкторлық және технологиялық жұмыстардың жобалары мен бағдарламаларын; 2) ғылыми-зерттеу, тәжірибелік-конструкторлық және технологиялық жұмыстар бөлігіндегі басқа да бағдарламаларды; 3) Қазақстан Республикасы ғылыми мекемелерінің, ұйымдары мен кәсіпорындарының қатысуымен іске асырылатын мемлекетаралық ғылыми-техникалық бағдарламалардың жобаларын; 4) инновациялық жобаларды гранттық және бағдарламалық-нысаналы қаржыландыру (қаржыландыруды тоқтату) туралы шешімдер қабылдайды.   3. Кеңестердің қызметін ұйымдастыру 7. Әрбір Кеңесте төраға, төрағаның орынбасары анықталады. Кеңестің төрағасы оның қызметіне басшылық етеді, Кеңестің отырыстарында төрағалық етеді, Кеңестің жұмысын жоспарлайды және мемлекеттік органдармен, сондай-ақ өз қызметі шеңберінде басқа да ұйымдармен өзара іс-қимыл кезінде оның мүддесін білдіреді. Төраға болмаған жағдайда оның функцияларын орынбасары атқарады. Төраға Кеңес мүшелерінің арасынан хаттаманы ресімдеуге жауап беретін Кеңестің хатшысын белгілейді. Бұл ретте Кеңестің хатшысы Кеңес шешімдер қабылдаған кезде дауыс беру құқығына ие. 8. Кеңес қызметінің негізгі нысаны ол қабылдайтын шешімдердің жариялылығы мен объективтілігін қамтамасыз ететін Кеңестің отырысы болып табылады. 9. Кеңестің отырысы Кеңестің мүшелерін тікелей шақыру жолымен не нақты уақыт режиміндегі Интернет-конференцияны өткізу жолымен өткізіледі. 10. Кеңестің отырыстары қажеттілігіне қарай жылына кемінде екі рет өткізіледі. Кеңестің отырыстары, егер оған Кеңестің тиісті құрамы мүшелерінің санынан кемінде үшпен екісі қатысса, заңды деп есептеледі. 11. Кеңес отырысының күн тәртібін Кеңестің жұмыс органы қалыптастырады және кезекті отырыстың материалдарымен бірге Кеңестің мүшелеріне отырыстың басталуына дейін жеті жұмыс күнінен кешіктірілмей жіберіледі. 12. Мемлекеттік ғылыми-техникалық сараптама ұлттық орталығы (бұдан әрі – Сараптама орталығы) Кеңеске ғылыми, ғылыми-техникалық және инновациялық жобалар мен бағдарламалар (олар бойынша есептер), мемлекеттік сыйлыктар, мемлекеттік ғылыми стипендиялар алуға ұсынылатын ғылыми-зерттеу жұмыстары (бұдан әрі – Сараптама объектілері) бойынша мемлекеттік ғылыми-техникалық сараптама нәтижелерін Сараптама объектілерімен қоса алқалы шешім қабылдауға жібереді. Кеңес алынған мемлекеттік ғылыми-техникалық сараптаманың нәтижелерін Сараптама объектісімен бірге қарайды және олар келіп түскен күннен бастап бес жұмыс күнінен аспайтын мерзімде ұсынылған материалдардың мәні бойынша оң немесе теріс шешім қабылдайды. 13. Қажет болған жағдайларда Кеңес Сараптама объектілері бойынша толық мәліметтер болмаған кезде Сараптама орталығынан мемлекеттік ғьілыми-техникалық сараптаманың нәтижелері бойынша қосымша түсініктемелер, негіздемелер мен ақпаратты сұратады, ол екі жұмыс күнінен аспайтын мерзімде жауапты жібереді. 14. Кеңестің шешімі Кеңестің қатысып отырған мүшелерінің қарапайым көпшілік даусымен қабылданады және барлық мүшелері мен хатшысы қол қоятын хаттамамен ресімделеді. Дауыс беруге шығарылған мәселе бойынша Кеңес мүшесінің ерекше пікірі болса, Кеңес хатшысы хаттамаға тиісті жазба енгізеді. 15. Кеңестің қабылдаған шешімдерін Кеңестің жұмыс органы ғылым саласындағы уәкілетті органға және салалық уәкілетті органға шешім қабылданған күннен бастап он жұмыс күнінен аспайтын мерзімде жібереді. Бұл ретте Кеңестердің шешімдерін ғылым саласындағы уәкілетті орган және салалық уәкілетті органдар міндетті түрде орындауға тиіс. 16. Кеңестер ғылыми, ғылыми-техникалық және инновациялық қызметтің тиісті бағыттары бойынша орындалатын ғылыми зерттеулер жөнінде ғылыми және (немесе) ғылыми-техникалық қызмет туралы аралық және қорытынды есептер қабылдайды. 17. Кеңестер өздерінің қабылдаған шешімдердің орындалуына мониторингті жүзеге асырады. 18. Нақты жобаға, бағдарламаға (олар бойынша есепке) сараптама, ғылыми жұмыстардың орындалу мониторингін жүргізгені үшін сыйақыны, сондай-ақ қазақстандық және шетелдік ғалымдардың іссапар шығыстарын қоса алғанда, Кеңестердің қызметін қамтамасыз етуді Сараптама орталығы мемлекеттік бюджет қаражатынан жүргізеді. 19. Кеңестер өз қызметін жүзеге асыру кезінде: 1) өз қызметін Қазақстан Республикасының салалық уәкілетті органдарымен, ғылыми ұйымдарымен және жоғары оқу орындарымен өзара іс-қимылда жүзеге асыруға; 2) өз қызметін жүзеге асыру үшін ақпараттық-талдамалық және анықтамалық деректер алуға; 3) кадрларды даярлауды, қаржылық қамтамасыз ету және ғылымның материалдық-техникалық базасын дамытуды қоса алғанда, ғылыми-техникалық даму жөніндегі ұсыныстарды уәкілетті органға, салалық уәкілетті органдарға, ұлттық және салалық ғылым академияларына енгізуге; 4) ғылыми-техникалық әлеуетті дамыту мәселелері бойынша нормативтік құқықтық актілерді өзгерту және жетілдіру жөніндегі ұсыныстарды әзірлеуге және белгіленген тәртіппен енгізуге; 5) гранттық және бағдарламалық-нысаналы қаржыландыруға жататын, қаралатын жобалар мен бағдарламалар бойынша отырыстарға қосымша түсініктемелер беру үшін орындаушыларды шақыруға; 6) ғылым саласындағы уәкілетті органның келісімі бойынша кеңеске ұсынылған материалдарды жан-жақты, толық және объективті қарауды қамтамасыз ету мақсатында консультациялар мен түсініктемелер алу үшін нақты ғылым саласы бойынша сарапшылар мен мамандарды тарту арқылы мамандандырылған секцияларды құруға құқығы бар. 20. Кеңестердің мүшелері Кеңес қабылдайтьий шешімдерге, олардың объективтілігі мен негізділігіне, қабылданған шешімдердің Қазақстан Республикасы заңнамасының талаптарына сәйкестігіне дербес жауапкершілікте болады. 21. Ұлттық ғылыми кеңестердің мүшелері нақты мәселелерді қарау кезінде өздеріне мәлім болған мүдделер қақтығысы туралы кеңесті хабардар етеді және кеңес қабылдайтын шешімдердің объективтілігі мен негізділігі үшін жауапкершілікте болады.