«20 жылға – 20 туынды» көрмесі өтті

Мәдениет министрлігінің тапсырысы бо­йын­ша «Қазақстанның азаматтық Альянсы» мен «Самұрық» инновациялық идеяларды да­мы­ту орталығы» ел Тәуелсіздігінің 20 жыл­дығына орай Қызылорда қаласында «20 жылға – 20 туынды» атты қолөнер шеберлерінің көрмесін өткізді. Сондай-ақ «Қазақстан – 20 жыл, тек қана алға» ұранымен жастар акциясы да болды. «20 жылға – 20 туынды» атты қолөнер шебер­лерінің көрмесіне  мерейлі мерекені насихаттайтын, тәуелсіздіктің жаршысын бейнелеген түрлі қолөнер бұйымдары қойылды. Әрбір туындыдан еліміздің ертеңі саналатын жастар буынының жарқын болашаққа деген ұмтылысын байқауға болады. Жастардың өзіндік идеясымен ел егемендігін ұрандаған осындай еңбектерінің көрмесі облыс­тық байқау түрінде ұйымдастырылып, үздік өнер туындысы иелеріне арнайы бағалы сый­лық­тар мен алғыс хаттар табысталды. Ержан БАЙТІЛЕС, Қызылорда.