Ұяты жоқ ұрылар

Бұл алаяқ жандарға дауа жоқ екен ғой. Олардың қайсыбірі зей­нет­ақысымен жан бағып отырған зейнеткерлерге ауыз сала бас­тап­ты. Олар осы мақсатпен қой терісін жамылған қасқырға ұқсап, иықтарына адам арашашысы атан­ған дәрігерлердің ақ халатын іліп алады екен де, зейнет­кер­лер­дің есігін қағатын көрінеді. Сонан соң анализді үйден алып кетуге келдік деп өзінше қамқор­лық танытатынын қайтерсіз. Осы сөзге құдайдай сенген бір кейуана бұлар ұсынған құ­ты­ны қолға алып әжетханаға кіріп кеткенде, алаяқтар шкаф ішінде тұрған 260 мың теңгені үптеп үл­гереді. Келесі жолы тағы да осы тәсілмен екінші бір әжейді та­қыр­ға отырғызбақ болғанда жол­да­ры кесіледі. Яғни, үй иесі сақтық танытып, сақшыларға хабар беріп үлгереді. Қазірде оларды іздестіріп жа­тырмыз дейді ішкі істер қыз­мет­керлері. Әзірге белгілі жәйт сол, мұның екеуі де жастары 20-25-тегі «арулар» көрінеді. Бірі азия­лық, екіншісі еуропалық ұлт өк­іл­дері болып табылатын олардың бой мөлшері де іздестірушілерге мә­лім. Зейнеткерлерді зар қақсат­қан алаяқтар көп уақыт өтпей жа­тып қолға түсетіндігіне сенім зор. Ұрыда ұлт та, ұят та бол­май­ды деген осы екен. Дәулет СЕЙСЕНҰЛЫ , Семей.