Қарағанды қияры

Осы айда ашылған жылыжайдың қадамы есте қалар­лықтай басталды деп айтуға болады. «Қуатты Қа­зақ­станды бірге құрамыз» атты форум-көрмеде Елбасына телекөпір арқылы көрсетілген жаңа жобалардың қата­рында ол да болды. Қарағандының Май­құдық ата­ла­тын бөл­і­гінде орын тепкен «Green Techno­lo­gy» ЖШС қана­ты ас­тында 3 гектар аумақты қам­тыған жаңа жылы­жай жоба­сы облыстық әкімдік пен «Қа­з­аг­рофинанс» ұлттық холдингі ара­сында орна­тылған әлеуметтік әр­іптестік нәтиже­сін­де іске ас­қан болатын. Аталған серіктестік дирек­то­ры Александр Забиров ортаға сал­ғандай мұнда негізінен қияр өсі­ріледі екен. Ол өндіріле бас­таған­нан бері 400 тоннасы тұ­тыну­шы­ларға жөнелтілген. Жал­пы алғанда межені жылына 2 мың тоннаға жуықтату көздел­ген. Шындығын айтқанда қазір өңір тұрғындарының көкөністің қай-қайсысына қолдары жетімді. Тек қыста азайыңқырап, ба­ғасы күрт шарықтап кетер шақ­тары бар. Біріншіден, бұдан былай қарай оның алды алына­тын болса, со­ны­мен бірге, оң­түстіктегі көрші мемлекеттерден, Қытай­дан жеткізілетін эко­логиялық та­залығы кү­мәнділеу, сапасы бей­мә­лім өнім­дерді ал­мастыруға ық­палын тигізеді. Бұл күнде қа­ра­ғандылықтар си­яқты астана­лық­тар да дәмділігі мен сақ­та­луы алыстан әкелі­не­тін­дерден әлде­қайда жоғары Қара­ған­ды қия­­рын  алдымен са­тып алуға ұм­­тылуы өтімді­лі­гіне жол аш­ық­тығын көрсетеді. Мұ­нымен қоса бағасы да көпшілік қалта­сы­на қолайлы. Мәселен, бір килосы 130-140 теңгеден сатылып жүр. Майқұдықтықтарға бір қуа­ныштысы, осында еңбектену біраз тұрғындарды айналып өткен жоқ. 50-ден астам азаматтың енді тұрақты жұмыс орны бары соған айғақ. Ал олардың дені өсімдік өсіруге алақандары ая­лы қыз-келіншектер. Бұл жылыжайдың бастапқы қа­дамы саналады. Алдағы уа­қытта аумағын кеңейтіп, жұмыс ауқы­мын ұлғайтуға бағытталған іс-ша­ралар жетіп артылады. Со­ның іш­ін­де өнім түрлері кө­бейтіледі. Та­яу­дағы жылдарда оны Орталық Қа­зақстан айма­ғын­дағы ең ірі жы­лыжайға ай­нал­дыру басты мақсат. Бұған дейін Балқаш қызана­ғымен, Көксу картобымен, Құ­лай­ғыр сәбізімен белгілі болып келсе, Қарағанды қиярымен өң­ір мәртебесі көтерілмек. «Green Technology» осы жолда бәсеке­лестерді ығыстырып, алысқа таныла алатындығына сенімді. Айқын НЕСІПБАЙ, Қарағанды.