Стратегиялық әріптестік орнағаны аталды

Кеше Қорғаныс министрі­нің бірінші орынбасары –  Штабтар бастықтары ком­и­теті­нің төраға­сы, генерал-полковник Сәкен Жас­ұзақов АҚШ Орталық қол­бас­шылығы Әске­ри-теңіз күш­терінің қолбас­шы­сы,   вице-адмирал Марк Фокспен кездесті. Кездесу барысында Сәкен Жасұзақов Қазақстан мен АҚШ арасында әр түрлі саланы қам­тыған страте­гиялық әріптес­тік орнағанын атап өтті. Оның ішін­де, әскери саладағы ынты­мақ­тас­тық Қазақ­стан-АҚШ қа­рым-қа­ты­насында айрықша ма­ңыз­ға ие болып отыр.  Ал қорға­ныс пен қауіпсіз­дік саласын­да­ғы өзара іс-қи­мыл­дардың ішінде ынты­мақтастық туралы бес жылдық жоспарды атап өткен жөн. Осы жоспар шеңберінде мамандар даярлау, техникалық жәрдем көр­сету және әскери білім беру жүйесін дамыту сала­ларындағы жұмыстар сәтті жүргізілуде. Әскери қатынастар жос­парына сәйкес Қазақстан Әс­ке­ри-теңіз күштерінің өкілдері жыл сайын АҚШ 5-ші флоты­ның кемелерінде тағылымда­ма­дан өтеді. Тараптар осы тә­різді іс-шаралар әскери қыз­мет­ші­лер­дің теңіздегі тәжіри­бесін шың­дауға зор ықпал ететінін атап өтті. Оксана ПАРПУРА.