Төтенше жағдайлар министрлігі таратқан мәліметке сәйкес, жер сілкінісінің магнитудасы 5,3 MPV-ді құраған, ал тербеліс ошағы 15 шақырым тереңдікте болған. Дүмпу Алматы облысының бірнеше елді мекенінде сезілген.
Есептік мәліметтер бойынша, Нарынқол мен Кеген ауылдарында жер сілкінісінің күші 3 балл шамасында тіркелді. Ал Саты, Көкпек, Шелек, Қайыпова, Маловодное және Түрген ауылдарында 2 балл деңгейінде сезілген. Бұл елді мекендердің эпицентрден арақашықтығы 66 шақырымнан 269 шақырымға дейін жетеді.
Сондай-ақ 2 балдық жер сілкінісін Жаркент қаласының тұрғындары да сезген. Қала Жетісу облысы аумағында орналасқан.
Алдын ала мәліметке сәйкес, жер сілкінісі салдарынан қираған ғимараттар мен зардап шеккендер туралы ақпарат түскен жоқ. Құзырлы органдар жағдайды бақылауда ұстап отыр.
