Тағы да жеңіліс

Бейсенбіден жұмаға қараған түні еліміздің ең үздік ко­­мандасы «Ақтөбе» Еуропа лигасының 3-ші іріктеу ке­зе­ңін­де біраз уақыт арқалап жүрген үмітімізді ақтамай, өз ала­ңында Ресейдің «Алания» клубынан ұтылуға мәжбүр болды. Сөйтіп, «Ақтөбе» жылдағы осы кезде болатын әдеті бойынша тағы да Еуропа лигасымен қош айтыс­ты. Бұл ойында отандастарымыз ал­ғашқы кездесудегі нәтижені қай­талап, ұтымды пайдалана алмай, жеңіліс тапты. Осы жеңіліс үшін біз «Ақтөбенің» барлық ойын­шы­ла­рына кінә таға алмаймыз. Ойын­шылардың бәрі шамасы келгенше әдемі ойнауға тырысты. «Ақтөбе» осындай жауапты сындарды әдемі, қарсыластарымен нәзік ойнауды әбден бойына сіңіріп алған сияқты. Команданың қарсыласынан жеңі­луінің бір себебін осымен де бай­ланыстыруға болады. Ал қазақ ко­мандасынан гөрі Еуропа алаңда­рында біраз көйлек тоздырған «Алания» олай етпеді. Тіс қаққан, білікті бапкер Валерий Газзаевтың ұлы, 31 жастағы Владимир Газ­за­ев­тың командасы «Ақтөбе» сияқты ойынды шектен тыс әдемі, сақ ойнамай жиі-жиі шабуылдар жасап, діттеген мақсатына жетуді ойластырды. Сөйтіп, тек нәтиже үшін ғана ойнаған ресейліктер матчтың екінші жартысында алаң иелеріне бірінші болып доп соғып үлгерді. Расын айтсақ, осы кезде «Ақтөбе» сасқалақтап, мыңдаған жанкүйерлердің алдында есепті теңестіре алмай, сол нәзік ойнау әдетін әрі қарай жалғастыратын бола ма деп те ойлаған едік. Алайда намысқа тырысқан ақтөбеліктер 75-минөтте есепті теңестіре алды. Доптың авторы Джилас расы керек, әдемі гол соқты. Осы ойында «Ақтөбенің» сапындағы Малик Мане шабуылға әдемі пас шыға­рып отырды. Екінші таймда Джилас пен Хайруллин доп соғу мүм­кіндіктерін  пайдалана алмады. Ал «Алания­ның» сапында команда­сы­на гол сыйлаған Өзбекстан құра­масының мүшесі Бикмаев алаң иелеріне біраз шеберлігін көрсетіп ойнады. Ойын осылай тең есеппен аяқ­талған соң, қосымша берілген жар­ты сағат уақытта есеп өзгермеді. Осыдан кейін 11 метрлік пенальтиде «Аланияның» жолы болды. Пенальтиде қонақтардың бәрі гол соқса, біздің командада Мане мен Джилас қақпашыдан айласын асы­ра алмады. Осылайша, «Алания» келесі айналымға шықса, «Ақтөбе» тағы да орта жолда жер сипап қалды. Көңілге бір қуаныш ұялата­ты­ны, ресейлік «Спорт-экспресс» га­зе­ті­нің 4 тамыз күнгі санында «Ақ­төбе» мен «Алания» командалары­ның ойы­ны алдында шыққан материал болды. Газеттің «Ехали в Азию, попали в Европу» деген материалда Ақтөбеге ойын туралы репортаж дайындауға келген ав­тор­дың жергілікті халықтың қо­нақ­жайлығы, қа­ланың тазалығы, елі­міз­дің гүлденіп, өркендеп бара жат­қаны туралы жаз­ған мақаласы шын мәнінде ада­м­ның көңілін өсіреді екен.