Алматыдағы Абай оқулары

Алматы қаласы әкімді­гінің Тілдерді дамыту, мұра­ғаттар және құжаттама бас­қармасы, Халықаралық «Абай» қоры және Қазақ­стан Жазушылар одағы бірлесіп қазақтың кемеңгер ұлы, ойшыл һәм гуманист, бар­ша адамзатқа ортақ тұл­ға Абай Құнанбаевтың туған күніне арналған дәстүрлі «Абай оқуларын» өткізді. Мемлекеттік тіл сясатын жүргізу және Абай шығарма­шылығын насихаттау арқылы қоғамдық келісім мен рухани бірлікті нығайту, отансүй­гіш­тік сезімге тәрбиелеу, сон­дай-ақ қазақтың ұлттық мә­дениеті­не, өнеріне, әде­биеті­не деген көпшіліктің ықыла­сын арт­тыру ниетінде ұйым­дастыры­латын бұл шара биыл Абай атындағы опера жә­не балет театрының ал­дын­да болды. «Абай оқуларына» зиялы қауым өкілдері, ресми қызмет­керлер, ғалымдар мен ақын-жазушылар, өнер қайраткер­ле­рі, қоғамдық ұйымдардың же­текшілері, бұқаралық ақпа­рат құралдарының тілшілері, студент жастар мен мектеп оқушы­лары қатысты. Іс-шара қонақ­тары хакім Абайдың әдеби шығармашылық мұрасы туралы ой-пікір тыңдап, Абай өлең­дерін мәнерлеп оқыған жастар­дың өнерлеріне, қазақ­тың ха­лық әндері мен күй­леріне тәнті болды. Қанат ЕСКЕНДІР, Алматы.