Ширек финалға шықты

Қазақстандық теннисші Галина Воскобоева Канаданың Торонто қаласында өтіп жатқан сыйлық қоры 2 миллион дол­лардан асатын Rogers Cup 2011 халықаралық супертурнирінің ширек финалына шықты. Канаданың ашық чемпио­на­ты саналатын Canada Masters қазіргі кезде Rogers Cup демеушілік атауына ие және жыл сайынғы халықаралық турнир қа­тарына енгізілген. 2009 жыл­дан бері осы негізде Әйелдер тен­нис қауымдастығының (WTA) премьер турнирі кате­гориясына жатады. Бірінші айналымның мат­чын­­да Г.Воскобоева турнирдің то­ғы­зын­шы ракеткасы, атақты француз Марион Бартолиді екі сетте (6:3, 6:3 есебімен) жеңіп, үлкен сенсация жасаса, қазақ­стандық спортшының келесі қарсыласы италиялық Флавия Пеннетта болатын. Г.Воскобоева бұл жолы да үлкен шеберлік танытып, қарсыласын үш партияда (2:6, 7:5, 6:2) тізе бүк­тір­ді. Ал бұрнағы күні түнде ол үшінші айналымда әлемнің бұ­рынғы бірінші ра­кет­касы, «Үл­кен шлем» турнирінің же­ңім­пазы, атақты ресейлік теннисші Мария Шараповадан екі сетте басым түсті. Сөйтіп, қазақ­стан­дық спортшы екінші қай­та­ра үлкен сенсацияның иегері атан­ды. Бүгінде М.Шара­по­ва­ның әлемдік рейтингте бесінші са­ты­да  тұрғанын да айта кетейік. Галина Воскобоева ширек финалда белоруссиялық теннисші, турнирдің төртінші ра­кеткасы Виктория Азаренкамен шеберлік байқасатын болады. Айтарлықтай биікке көтерілген жерлесімізге сәттілік тілейміз. «Егемен-ақпарат».