Кәсіпкерлікке қолдау көрсету жолында

«Нұр Отан» халықтық-демо­кра­тиялық партиясы Елбасы, партия Төрағасы Нұрсұлтан Назар­баев­тың тапсырмаларына сәйкес шағын және орта бизнеске қолдау көрсету жөніндегі кең ауқымды жұмыс жүргізуде. Жаңа әдістер мен тәсілдерді айқындау мақса­тын­да нұротандықтар кәсіп­кер­лік­ті дамытудың өзекті мәселе­ле­рін үнемі талқылап, жергілікті ша­ғын және орта бизнесті дамы­ту бағдарламаларын әзірлейді. Қазіргі уақытта «Нұр Отан» мүл­дем жаңа бағдарлама дайындап жатыр. Бұл құжатта жүйе құрау­шы кәсіпорындар мен шағын кәсіпкерліктің өзара әріптестігіне жағдай жасау мәселесіне басты назар аударылатын болады. Са­рап­шылардың пікірінше, жергілікті мазмұнды 100 млрд.теңгеге көбейтсе, соның нәтижесінде ша­ғын және орта бизнес саласында қосымша 50 мың жаңа жұмыс орнын құруға мүмкіндік беріледі. Бұл әсіресе, жүйе құраушы кәсіпорындар басты жұмыс берушілер болып табылатын шағын қалалар үшін аса маңызды. «Нұр Отан» партиясы осы әлеуетті барынша қолдануға ниетті. 16 тамыз күні Павлодар қаласында жүйе құраушы кәсіпорындардың қаты­суы­мен шағын және орта бизнесті да­мыту бағдарламасын әзірлеу жөніндегі жұмыс тобының алғашқы отырысы өткізілді. Партия Төрағасының бірінші орынбасары Нұрлан Нығматулин өз сөзінде: «Шағын және орта бизнестің тұрақты дамуына барлық жағдай жасау – бұл Елбасымыз, партиямыздың Төр­ағасы Нұрсұлтан Әбішұлы Назарбаев­тың біздің алдымызға қойған міндет­терінің бірі. Сондықтан да «Нұр Отан» партиясы кәсіпкерлікті қолдауға бағыт­талған арнайы бағдарламаны дайын­дауға кірісті. Осы бағдарламаның басты мақсаты – жергілікті бизнесті дамыту­мен қатар, халықты жаңа жұмыс орын­дары­мен қамтамасыз ету және де әрбір қазақстандықтың әл-ауқатын арттыру», – деп атап өтті. Жұмыс тобы мүшелерінің ойынша, жаңа бизнес-бастамалар өзін көп күт­тір­мейді. Жүйе құраушы кәсіпорын­дар­дың қолдауымен кәсіпкерлер тауар мен қызметтерді жасап шығаруға тапсы­рыстардың көп бөлігін өзі қамтамасыз ете алады. Табысты әріптестіктің мы­сал­дары аз емес. Олардың бірі – Қазақ­стан электролиз зауыты – металлур­гия­лық алюминий кластерінің негізгі кәсіпорны. «Менің ойымша, «Нұр Отан» аса қажетті бағдарлама әзірлеп жатыр. Ірі кәсіпорындар жергілікті кәсіпкерлерге көмектесуіне мүмкіндігі бар. Біз оларға тауарлар мен қызметтердің үлкен көлемін тапсыра аламыз. Бизнесмендерге көмектессек, біз өмір сүріп, жұмыс істеп жатқан барлық аймаққа да пайдамыз тиеді», – деп «Қазақстан алюминийі» АҚ президенті Алмаз Ибрагимов атап өтті. «Бүгінде Елбасы отандық экономи­ка­ны дамыту үшін барлығын жасап жатыр. Біз де қарап отырмауымыз шарт. Көбірек өнім өндіріп, одан әрі даму үшін бізге ірі компаниялардың тапсырыстары өте қажет. Бұл – біз үшін қосымша ынта­ландыру», – дейді «Сварко» Павлодар пісіру құрал-жабдықтары зауыты» ЖШС бас директоры Сергей Аксенов. Жұмыс тобының бірінші отырысы жобаның негізгі қатысушыларының қы­зы­ғушылығын көрсетті.