Айла

Бастауыш мектептің қара­пай­ым мұғалімі алаяқтық қылмыспен айналысып, теріс жолға түсті дегенге бірден сену де қиын. Өкі­нішке орай, бұл ақиқат. «Алматы қаласының Түрксіб ауданында ор­наласқан орта мектепте жұмыс істейтін жас маман Алена Иванова өзінің еңбекақысына қанағаттан­бай, қалтасын толтырудың жаңа әрі тиімді жолын іздестірген. Сөй­тіп, ол зейнеткерлердің зей­нет­ақысынан жымқырудың әдіс-тәсілдерін ойлап тапқан» дейді Алматы қалалық ІІД баспасөз қызметінің жетекшісі Салтанат Әзірбек. Шын мәнісінде де, алаяқтық қылмыспен айналысушы «өзінің табыс көзін» тым алыстан іздемеген. Көршілес үйде тұратын сә­би­дей аңғал, аңқау қарттарды және тұрмыс жағдайы нашар отбасы­ларын айналсоқтап, олармен жы­лы сөйлесіп, араласуды бастаған. Қынжыларлығы, қартайғанда бір бала демекші, азғана зейнет­ақы­ны күнкөрісіне айналдырып от­ыр­ған қариялар Алена Иванова­ның «қосымша кіріс» туралы сө­зіне бірден сеніп, майдай еріген. Түрксіб аудандық ІІБ бастығы, полиция полковнигі Нұрлан Мо­ш­­қалов «алаяқтық қылмыстың әдіс-тәсілдерінің қай-қайсы­сы­ның бол­масын бір-бірінен ешқандай ай­ыр­машылығы жоқ екендігін» ашып айтады. – Алаяқ әйел өзінің алғашқы жемтігін бұдан үш жыл бұрын, яғни 2008 жылы тапқан болатын. Көрші үйде тұратын Савелий Пет­ровқа Алена Иванова өзінің жақында Алматы қалалық әлеу­мет­тік қорғау департаментіне жұ­мыс­қа орналасқаны туралы қуа­ныш­ты хабар айтқан. Мұнымен қоса, енді жоқ-жітік қарияға кө­мек­тесе алатындығын да жеткізген. Анығырақ айтқанда, бұл департамент зейнеткерлер мен әлеу­меттік, тұрмыстық жағдайы тө­мен­дерге жүйелі түрде көмек көр­се­тетіндігін де айтқан. Содан кейін қарияға көмекке қажетті құ­жатты рәсімдеу үшін ақша сұрап алған, – дейді Нұрлан Мошқалов. Әрине, әлеуметтік көмек ту­ралы бұл жақсы хабарды естіген өзге зейнеткерлер де Алена Ива­новаға өз құжаттарын рәсімдеу үшін қолындағы қаражаттарын бере бастаған. Сөйтіп, айлакерлік қабілеті арқылы қылмыскер әйел қариялардан бір миллион теңгені көп қиналып, тер төкпей-ақ жинап алады. Зейнеткерлердің сеніміне кіру үшін кейбіріне алаяқтық бағыттағы өз «операциясының» алғашқы кезеңінде қариялардың бірен-саранына бес килограмм ет, үш килограмм макарон және 20 жұмыртқа әкеліп, алдаусыратқан. Дегенмен, мұндай үлеске, яғни сыйлыққа шексіз риза болып, мәз болған қариялар қуанышы ұзаққа созылмады. Жеткілікті мөлшердегі, яғни бір миллион теңгені жинап алған алаяқ ізін суытып үлгерген соң ғана, Түрксіб аудандық ІІБ-на ша­ғымданған зейнеткерлер өздерін айдың күннің аманында алдап соққан әйелдің заң алдында жауап беруін өтінген болатын. Алаяқтық қылмысы үшін құ­рықталған бастауыш сыныптың бұ­рынғы мұғалімі өзінің ағатты­ғы үшін жәбірленушілерден жал­ба­рынып, кешірім сұрап, олардың ақшаларын қайтарып беруге дай­ын екендігін де айтады. Алайда, ресми тергеу жұмыстары баста­лып та кетті. Ал қариялар болса өздерін осыншама азапқа салып, қорлаған жанды ешқашан кешірмейтіндігін ашына айтады. Өйт­кені, оның оларды соңғы тиын-тебенінен ғана емес, өзгелерге деген сенімінен де айырғаны қа­рияларға өте ауыр тиіп отыр. Бақыт БАЛҒАРИНА. Алматы.