Бүгін Астанада І Спорттық форум басталады
ЕЛДІКТІ ТАНЫТАТЫН ЕРЕН ІС
Тамыз айының үшінші жексенбісінде елімізде кәсіби мереке – Спорт күнін атап өту игі дәстүрге айналды. Бұл мерекені дене тәрбиесі және спорт саласының қызметкерлері мен спорт жұртшылығы үшін ғана емес, сонымен бірге саламатты өмір салтын ұстанатын барлық қазақстандықтар үшін маңызды мереке деп санаймын.
Осы бір айтулы мереке – Спорт күнінде спортқа қызмет етіп, оны серік еткен әріптестерімді, спорттық жетістіктерімен еліміздің атақ-даңқын арттырып жүрген спортшыларды шын жүректен құттықтағым келеді.
Бұл күні еліміздің барлық өңірлерінде спорт алаңдары, стадиондар мен бассейндер спорттық рухпен жігерленген, жеңіске, тән саулығын сақтауға ұмтылған азаматтардың мерекелік көңіл-күйіне бөленеді. Адам бойындағы дәл осы қасиеттер бізге жаңа күш-қуат беріп, игі істер мен жеңістерге жетелейтіні сөзсіз.
Спорт адамның бойында ерік пен патриоттық сезімді, қайсар мінез бен әділ ой қасиетін, жеңіске ұмтылу талабын қалыптастырады. Дене тәрбиесі адамның тән және жан сұлулығын қалыптастыруға, саламатты өмір салтын ұстануға ықпал етеді, теріс қылықтардан бойды аулақ салып, өмірді сүюге тәрбиелейді.
Мемлекет басшысы спортты әлеуметтік саясатқа іске асырудың, халықтың өмір сүру деңгейін арттырудың тиімді құралы және халықтың әл-ауқатының маңызды бөлігі ретінде қарастыра отырып, Қазақстан халқына Жолдауында және «Қазақстан-2020» стратегиялық даму жоспарында спорттың бұқаралық сипат алуына қол жеткізудің мерзімдері мен нысаналы индикаторларын айқындап берді.
Елбасы Нұрсұлтан Назарбаевтың бастамасының арқасында отандық спортшыларды жан-жақты қолдау, жаңа спорт кешендері мен мектептерін салу, елдегі спорт залдарының, стадиондар мен аулалардың материалдық-техникалық базасын нығайту – елдің әлеуметтік-экономикалық саясатының басымдықтарының біріне айналды.
2011 жылы Қазақстан Республикасы Тәуелсіздігіне 20 жыл толады. Егеменді еліміз өткен екі онжылдықта әлеуметтік-экономикалық және саяси дамуда жоғары нәтижелерге қол жеткізді. Осы үдерістердің ажырамас бір бөлігі ретінде дене тәрбиесі мен спорттың дамуы да өмірімізден өз орнын алды. Елбасымыз атап өткендей, спорт – бұл тек саламатты өмір салтын насихаттау ғана емес, сонымен бірге, мықты да дені сау зиялы ұлтты қалыптастыру үшін негіз.
Осы жылдың басты спорттық оқиғасы – VII Қысқы Азия ойындарының болғаны белгілі. Қазақстан осы ойындармен Тәуелсіздіктің 20 жылдығына арналған іс-шаралардың шымылдығын ашты. Ойындарды сәтті өткізу және атлеттеріміздің спорттық жетістіктері Қазақстанның саяси, экономикалық және әлеуметтік тұрақтылығының жарқын айғағы болды.
Бүгінгі күні де ел Тәуелсіздігінің 20 жылдығына арналған іс-шаралар жалғасын табуда. Солардың бірі – 19-20 тамыз аралығында Астана қаласындағы Бейбітшілік және келісім сарайында өтетін «Бизнестің, қоғамның және мемлекеттің қатысуымен І Спорттық форум».
Бұл арада соңғы жылдары жеке бизнес өкілдері спортты қолдау жөніндегі инвестициялық саясатын белсенді жүргізіп келе жатқанын атап айтуға болады. Мемлекет басшысы Н.Ә. Назарбаев «Мемлекет пен бизнес тек экономикалық мәселелерді ғана емес, сонымен бірге, әлеуметтік мәселелерді шешуде толыққанды әріптестер болуы тиіс», деп атап көрсетті.
Қазіргі заманғы спорт – бұл бизнес-индустрия, мұнда спорттың маркетингтік және жарнамалық мүмкіндіктері белсенді қолданылады.
Бүгінгі экономикалық дағдарыс пен экономикалық жаһандық трансформацияның және өзге де әлемдік құрылымдардың негізінде орын алған жағдайларға қарамастан, спорт барлық ұлыстар мен ұлттарды, діндер мен өркениеттерді біріктіретін адамзаттың басты құндылығы мен жетістігі болып қала береді.
Қазақстан Тәуелсіздігінің 20 жылдығына арналған Спорттық форум еліміздегі қоғамның, бизнес пен спорттың өзара ынтымақтастығы мен перспективаларының неғұрлым маңызды мәселелерін қарастыру үшін мемлекеттік ведомстволардың өкілдерін, спорттық клубтардың жетекшілерін, инвесторлар мен спорттық сарапшылардың басын қосады.
Форумның басты ерекшелігі оның аясында министрліктер арасында спортты дамытуға арналған өзара меморандумдар жасалып, одан кейін ұлттық спорт түрлерінің беделін арттыратын, жастар арасында патриоттық сезімді насихаттайтын қазақ күресінен Президент Н.Ә.Назарбаевтың жүлдесіне арналған «Қазақстан барысы» республикалық жарысы мен президенттік мильге жүгіру өткізіледі.
І Спорттық форум алдына қойған міндет-мақсаттары орындалып, бұл жоба қоғам мен мемлекеттің еркін диалогының үлгісі болатынына сенімдімін. Бүгінде, спортшы қауымның алдында 2012 жылы Лондон қаласында өтетін Олимпия ойындарына құрама командаларды даярлау және қажетті жолдамаларды иелену жөнінде міндеттер қойылып отыр. Бірлескен күш-жігеріміз бен үйлесімді жұмыстың нәтижесінде Қазақстанның спорттық айбынын тағы бір рет дәлелдейміз деп сенемін.
Кәсіби мереке қарсаңында Тәуелсіз Қазақстанның спорттық жылнамасына алтын әріптермен жазылатын олимпиадашы – спортшыларымыздың аттарын ерекше атап өткім келеді. Олардың спорттағы жеңістері мен жетістіктері отандық спорттың даңқы мен айбынын арттыра түседі. Олар: Жақсылық Үшкемпіров, Серік Қонақбаев, Дәулет Тұрлыханов, Владимир Смирнов, Василий Жиров, Алексей Парыгин, Юрий Мельниченко, Ермахан Ыбырайымов, Бақтияр Артаев, Ольга Шишигина, Бекзат Саттарханов, Александр Винокуров, Бақыт Сәрсекбаев, Илья Ильин.
Біз 2012 жылы Лондонда өтетін Олимпия ойындарында отандық спорттың тарихында жаңа жарқын беттердің ашылатынына сенімдіміз. Құрметті спорт ардагерлері, әріптестер, журналистер, ғалымдар, спорт дәрігерлері, саламатты өмір салтын ұстанушылар, жанкүйерлер, спортқа қатысы бар барша қауым! Осы бір айтулы күнде баршаңызды мерекемен құттықтап, шын жүректен мықты денсаулық, бақыт пен бақ-береке тілеймін, толағай табыстарға жетіп, игі бастамаларыңыз жүзеге аса берсін!
Талғат ЕРМЕГИЯЕВ, Туризм және спорт министрі.
ЕЛДІКТІ ТАНЫТАТЫН ЕРЕН ІС
Тамыз айының үшінші жексенбісінде елімізде кәсіби мереке – Спорт күнін атап өту игі дәстүрге айналды. Бұл мерекені дене тәрбиесі және спорт саласының қызметкерлері мен спорт жұртшылығы үшін ғана емес, сонымен бірге саламатты өмір салтын ұстанатын барлық қазақстандықтар үшін маңызды мереке деп санаймын.
Осы бір айтулы мереке – Спорт күнінде спортқа қызмет етіп, оны серік еткен әріптестерімді, спорттық жетістіктерімен еліміздің атақ-даңқын арттырып жүрген спортшыларды шын жүректен құттықтағым келеді.
Бұл күні еліміздің барлық өңірлерінде спорт алаңдары, стадиондар мен бассейндер спорттық рухпен жігерленген, жеңіске, тән саулығын сақтауға ұмтылған азаматтардың мерекелік көңіл-күйіне бөленеді. Адам бойындағы дәл осы қасиеттер бізге жаңа күш-қуат беріп, игі істер мен жеңістерге жетелейтіні сөзсіз.
Спорт адамның бойында ерік пен патриоттық сезімді, қайсар мінез бен әділ ой қасиетін, жеңіске ұмтылу талабын қалыптастырады. Дене тәрбиесі адамның тән және жан сұлулығын қалыптастыруға, саламатты өмір салтын ұстануға ықпал етеді, теріс қылықтардан бойды аулақ салып, өмірді сүюге тәрбиелейді.
Мемлекет басшысы спортты әлеуметтік саясатқа іске асырудың, халықтың өмір сүру деңгейін арттырудың тиімді құралы және халықтың әл-ауқатының маңызды бөлігі ретінде қарастыра отырып, Қазақстан халқына Жолдауында және «Қазақстан-2020» стратегиялық даму жоспарында спорттың бұқаралық сипат алуына қол жеткізудің мерзімдері мен нысаналы индикаторларын айқындап берді.
Елбасы Нұрсұлтан Назарбаевтың бастамасының арқасында отандық спортшыларды жан-жақты қолдау, жаңа спорт кешендері мен мектептерін салу, елдегі спорт залдарының, стадиондар мен аулалардың материалдық-техникалық базасын нығайту – елдің әлеуметтік-экономикалық саясатының басымдықтарының біріне айналды.
2011 жылы Қазақстан Республикасы Тәуелсіздігіне 20 жыл толады. Егеменді еліміз өткен екі онжылдықта әлеуметтік-экономикалық және саяси дамуда жоғары нәтижелерге қол жеткізді. Осы үдерістердің ажырамас бір бөлігі ретінде дене тәрбиесі мен спорттың дамуы да өмірімізден өз орнын алды. Елбасымыз атап өткендей, спорт – бұл тек саламатты өмір салтын насихаттау ғана емес, сонымен бірге, мықты да дені сау зиялы ұлтты қалыптастыру үшін негіз.
Осы жылдың басты спорттық оқиғасы – VII Қысқы Азия ойындарының болғаны белгілі. Қазақстан осы ойындармен Тәуелсіздіктің 20 жылдығына арналған іс-шаралардың шымылдығын ашты. Ойындарды сәтті өткізу және атлеттеріміздің спорттық жетістіктері Қазақстанның саяси, экономикалық және әлеуметтік тұрақтылығының жарқын айғағы болды.
Бүгінгі күні де ел Тәуелсіздігінің 20 жылдығына арналған іс-шаралар жалғасын табуда. Солардың бірі – 19-20 тамыз аралығында Астана қаласындағы Бейбітшілік және келісім сарайында өтетін «Бизнестің, қоғамның және мемлекеттің қатысуымен І Спорттық форум».
Бұл арада соңғы жылдары жеке бизнес өкілдері спортты қолдау жөніндегі инвестициялық саясатын белсенді жүргізіп келе жатқанын атап айтуға болады. Мемлекет басшысы Н.Ә. Назарбаев «Мемлекет пен бизнес тек экономикалық мәселелерді ғана емес, сонымен бірге, әлеуметтік мәселелерді шешуде толыққанды әріптестер болуы тиіс», деп атап көрсетті.
Қазіргі заманғы спорт – бұл бизнес-индустрия, мұнда спорттың маркетингтік және жарнамалық мүмкіндіктері белсенді қолданылады.
Бүгінгі экономикалық дағдарыс пен экономикалық жаһандық трансформацияның және өзге де әлемдік құрылымдардың негізінде орын алған жағдайларға қарамастан, спорт барлық ұлыстар мен ұлттарды, діндер мен өркениеттерді біріктіретін адамзаттың басты құндылығы мен жетістігі болып қала береді.
Қазақстан Тәуелсіздігінің 20 жылдығына арналған Спорттық форум еліміздегі қоғамның, бизнес пен спорттың өзара ынтымақтастығы мен перспективаларының неғұрлым маңызды мәселелерін қарастыру үшін мемлекеттік ведомстволардың өкілдерін, спорттық клубтардың жетекшілерін, инвесторлар мен спорттық сарапшылардың басын қосады.
Форумның басты ерекшелігі оның аясында министрліктер арасында спортты дамытуға арналған өзара меморандумдар жасалып, одан кейін ұлттық спорт түрлерінің беделін арттыратын, жастар арасында патриоттық сезімді насихаттайтын қазақ күресінен Президент Н.Ә.Назарбаевтың жүлдесіне арналған «Қазақстан барысы» республикалық жарысы мен президенттік мильге жүгіру өткізіледі.
І Спорттық форум алдына қойған міндет-мақсаттары орындалып, бұл жоба қоғам мен мемлекеттің еркін диалогының үлгісі болатынына сенімдімін. Бүгінде, спортшы қауымның алдында 2012 жылы Лондон қаласында өтетін Олимпия ойындарына құрама командаларды даярлау және қажетті жолдамаларды иелену жөнінде міндеттер қойылып отыр. Бірлескен күш-жігеріміз бен үйлесімді жұмыстың нәтижесінде Қазақстанның спорттық айбынын тағы бір рет дәлелдейміз деп сенемін.
Кәсіби мереке қарсаңында Тәуелсіз Қазақстанның спорттық жылнамасына алтын әріптермен жазылатын олимпиадашы – спортшыларымыздың аттарын ерекше атап өткім келеді. Олардың спорттағы жеңістері мен жетістіктері отандық спорттың даңқы мен айбынын арттыра түседі. Олар: Жақсылық Үшкемпіров, Серік Қонақбаев, Дәулет Тұрлыханов, Владимир Смирнов, Василий Жиров, Алексей Парыгин, Юрий Мельниченко, Ермахан Ыбырайымов, Бақтияр Артаев, Ольга Шишигина, Бекзат Саттарханов, Александр Винокуров, Бақыт Сәрсекбаев, Илья Ильин.
Біз 2012 жылы Лондонда өтетін Олимпия ойындарында отандық спорттың тарихында жаңа жарқын беттердің ашылатынына сенімдіміз. Құрметті спорт ардагерлері, әріптестер, журналистер, ғалымдар, спорт дәрігерлері, саламатты өмір салтын ұстанушылар, жанкүйерлер, спортқа қатысы бар барша қауым! Осы бір айтулы күнде баршаңызды мерекемен құттықтап, шын жүректен мықты денсаулық, бақыт пен бақ-береке тілеймін, толағай табыстарға жетіп, игі бастамаларыңыз жүзеге аса берсін!
Талғат ЕРМЕГИЯЕВ, Туризм және спорт министрі.
