Төл әскеріміздің сапында

Қорғаныс министрі Әділбек Жақсыбеков Астана қалалық «Ау­ғанстан соғысы ардагерлері мен мүгедектері одағы» қоғам­дық бірлестігінің өкілдерімен кездесті. Кездесу бары­сын­да бірлескен іс-шараларды ұйым­дас­тыру және өткізу, жауын­гер­лік қимыл­дар жүргізуде тәжі­ри­бесі бар жауынгер-интерна­цио­на­листерді әскери қызметші­лерді оқытуға тарту мәселелері қарастырылды. Биылғы жылғы наурыз айын­да «Қазақстан Республика­сы Қарулы Күштерінің ардагерлері» қоғамдық бірлестігі құрылып, оның төрағалығына Халық Қаһарманы генерал-лейтенант Бақытжан Ертаев сайланған болатын. Құрамына жауынгер-интернацио­налис­тер кірген ұйымның болашағы туралы айтқан Бақытжан Ертаев қоғамдық бірлестіктің негізгі міндеті ардагерлер мен олардың отбасы мүше­лері­нің мүддесін қорғау, ұрпақтар сабақтастығын қамтамасыз етіп, аға буынның жауынгерлік дәстүрі мен тәжірибесін бүгінгі Отан қорғау­шы­ларына дарыту екеніне тоқталды. Оксана ПАРПУРА. Суретті түсірген Денис АНИКАЕВ.