Технология • 16 Мамыр, 2017

Қуат пен қуаныш сыйлайтын құрылғылар

166 рет

көрсетілді

1 мин

оқу үшін

Астана көшелерінде жүргіншілер үшін ұялы телефон, планшет сынды түрлі гаджеттерді тегін қуаттандыруға арналған құрылғылар орнатылғаны белгілі. Көктегі күннен қуат өндіріп, қолынан қалтафоны түспейтін жандарға қуат пен қуаныш сыйлайтын құрылғылар «Астана» концерт залының алдына қойылған.

Egemen Qazaqstan

Күн батареяларымен жабдықталған автономды бағандар мен орындықтар қоршаған ортаға зиян келтірмеу, қуат үнемдеу сынды заманауи талаптарға толық сай келетінімен ерекшеленеді. Қолдануға ыңғайлы болып қана қоймай, көшелердің көркін толықтырып тұрған құрылғылар визуалды жағынан да әдемі жасалғанын айта кету керек. Қазіргі таңда көше бойындағы орындықтарға отырып, бағаналардың жанына иіріліп, қалтафонын қуаттандырып тұрғандардың қарасы көп.