Газ мәселелері қоғамдық қабылдауда талқыланды

Шымкент қаласында «ҚазТрансГаз Аймақ» АҚ «Нұр Отан» партиясының облыстық филиалымен бірлесіп, жылжымалы қоғамдық қабылдау ұйым­дас­тырды. Бұл шара Елбасы Нұрсұлтан Назарбаевтың «Бо­ла­шақ­қа бағдар: рухани жаңғыру» атты мақаласын насихаттау, өңір­дегі газдандырудың өзекті мә­­­се­лелері және азаматтардың газбен жаб­дықтау жөніндегі өтініш-ті­лек­терін қарастыру мақсатымен ұй­ымдастырылып отыр.
Бұл жолғы отырыс көгілдір оты­нның күрмеулі мәселелеріне арналды. 
Азаматтарды арыз-шағымдары бойынша «Нұр Отан» партиясы Оңтүстік Қазақстан облыстық фи­лиалы төрағасының орынба­сары Еркебұлан Дауылбаев, рес­пуб­ликалық газ саласы арда­гер­лері кеңесінің төрағасы Павел Кли­мов, «ҚазТрансГаз Ай­мақ» АҚ ОҚОФ ди­ректорының бі­рін­ші орынбасары Ас­қар Маукенов, «ОМЕГА-ХХІ» ЖШС ди­рек­то­рының газ мә­селесі бойынша орын­басары Асхат Жайлаубек қа­былдады.
Алғашқы қоғамдық қабыл­дауға кір­ген Шымкент қаласының тұр­­ғыны Нұркен Абдуллаевты ма­за­лап жүрген сауал үйінде есеп­т­е тұратын адамдардың санын ө­з­герту қажеттігіне қатысты екен. Өйткені, есептегіш құрал бұ­­­зыл­ған жағдайда төлем үйдегі тұ­­­ра­тын барлық азаматтар санына ша­­ғы­лады екен. Тіркеуде тұрғаны бол­­маса басқа жерде тұратын 
ту­ыс­қандары үшін бекерге ақша тө­ле­гісі жоқ.
Бұл сұраққа «ОМЕГА-ХХІ» ЖШС-нің қызметкері Асхат Жай­лаубек толыққанды жауап бер­ді. Есептегіш құрал бұзылған жағдайда көгілдір отынның сол үйде тұратын адамдардың санына қарай норматив бойынша төленетіндігі рас. Есептегіш құ­рал­дары мүлде орнатылмаған үй­лер әлі де бар. Ондай үйлерге көп адам тіркелгенімен, шын мә­нінде бір ғана адам тұруы мүм­кін. Сондықтан, халыққа қыз­мет көр­сету орталығынан анық­т­а­ма әке­ліп, «ОМЕГА-ХХІ» серік­тест­і­гіне құжаттарын өткізуі керек.
Қабылдауға екінші кірген Эльмира Есенқұлованың сұрағы «Неге есептегіш құрал бұзылған жағ­дайда айыппұл салынады?» деген сыңайда болды.
Газ саласы мамандарының тү­сін­діруі бойынша, әр бес жылда есеп­тегіш құралдар ауыстырылуға тиіс. Кейде ол мерзімге жетпей істен шығуы мүмкін. Ал оны тұр­ғындар газ мекемесіне айтпай жүре береді. Бақылаушы бар­ған заматта ғана анық болады. Айып­пұл салынуының мәнісі осы.
Қамытбек Сауқымбеков ақ­са­қал жаңа жер үй сатып алған екен. Енді оны өз атына ресімдеу үшін қандай құжат керек. Оның үстіне, үй сатып алынғаннан ке-
й­ін бұрынғы қожайынның кө­гіл­дір отынға берешегі бары анық­тал­ған. Осындай жағдайда не іс­теуі керек? Сала мамандары қай­та ресімдеуде еш қиындық жо­ғын айтқан. Құ­жат­тарды толық тап­сыр­ған жағдайда тү­­біртек тікелей жа­ңа иесінің аты­на жолданады. Ал бұрынғы бе­­ре­шекке келсек,  үйді сатып алу кезіндегі құ­жат­тар негізге алын­бақ.
Қамытбек ақсақал газ бағасы не­ге әр өңірде әрқилы деген са-
уал тастады. Республикалық газ саласы ардагерлерінің кеңесі қоғамдық ұйымының төрағасы Павел Климовтың пікірінше, газ және газбен жабдықтау са­ла­сындағы баға саясатын ҚазТранс­Газ өз еркімен жүргізе ал­майды. Ішкі нарықтағы тауар­лы газды өткізудің шекті көтерме ба­ғасын белгіленген тәртіп бой­ын­ша әр өңір үшін жеке-жеке Энер­ге­ти­ка министрлігі бекітеді. Ал тұ­ты­нушы пайдаланатын газ­дың шек­ті бағасын Ұлттық эконо­ми­ка министрлігіне қарасты та­би­ғи мо­нополияларды реттеу, бә­се­ке­лес­тікті және тұтынушы құ­қы­ғын қорғау комитеті бекітіп, ба­қылайды. 
Шынтуайтында, «ҚазТрансГаз» ко­мпаниясы газ са­­ласындағы ұлт­тық оператор бола тұра, ішкі на­рық­та газ өт­кі­­зуден миллиард­та­ған шығын кө­­ріп отыр. Себебі, газ тұ­­­тынушыларға сатып алын­­­ған өз құ­нынан төмен ба­ғаға сатылып отыр. Шығынды ҚазТрансГаз өз есе­­бінен жауып келеді. 
Жауап дәйекті болғанда артық сұ­рақтың туындамауы да заңды. Кезекті қабылданушы Әбусадық Момбеков үйінде газға төлемнің қордаланып қалғанын, сондықтан дебиторлық қарызды бөліп төлеу жайын өтінді. 
Қоғамдық қабылдауда үл­кен-кіші деген мәселе жоқ. Тұ­р­­­-
ғындардың сауалы қа­на­ғат­тан­дырылуы керек. Тұр­ғын­дар ше­шімін таппаған мә­се­лелер бойынша жауаптарын алды. 
Энергетика министрлігінің мә­ліметі бойынша, бүгінгі күнге дейін ел тұрғындарының жар­тысы «көгілдір отынмен» қам­та­масыз етілген. Ауқымды шара­ларды жүзеге асыру кезінде тұр­ғындар арасында даулы сұ­рақ­тардың туында­мауы мүмкін емес. «Елді ме­кендерді газданды­ру кезінде қа­зақ­стандықтарды ма­залаған мәселелерді шешіп, тү­сін­діру жұмыстарын жүргізу үшін «Нұр Отан» партиясының Қо­ғамдық қабылдауы аясында осын­дай кездесу ұйымдастыру ту­ралы шешім қабылданды», деді Павел Климов. 
Сонымен қатар, жос­пар­лан­­ған шаралар аясында қоғам бел­­сенділерін, «Ақсақалдар ал­­қасы» өкілдерін Шымкент қа­ласын газ­да­н­дыру барысымен, ес­кірген газ тарату желілерін жаң­ғырту бағдарламасы бойынша жа­ңартылған нысандармен таныс­тыр­ды. Газ­дан­дырумен айналыса­тын мер­дігер компаниялармен бас­қосу ұй­ымдастырылып, газ ком­па­ния­сының жас мамандарымен ше­берлік-сабақтары өткізілді. Олар­дың барысында тәжірибе ал­масу, елімізді рухани тұрғыда жаң­ғырту жөніндегі Елбасы бас­тамасының өзекті тұстары талқыға түсті.  

Бақтияр ТАЙЖАН,
«Егемен Қазақстан»

Оңтүстік Қазақстан облысы