Сарапшылық отырыстың басты мақсаты Қазақстан дамуының ресурсы және адам капиталының элементі ретіндегі жастар рөлін талқылау, сонымен қатар, Президент мақаласында көрсетілген бағдарламалық нұсқауларды жүзеге асыруға бағытталған шаралар туралы болды.
Бұл отырысқа баяндамаларымен «Нұр Отан» партиясы Саяси талдау және стратегиялық зерттеулер орталығының директоры Юлия Кучинская, Тарих және этнология институтының ғылыми қызметкері Бимұрат Бұрханов, сонымен қоса, Философия, саясаттану және дінтану институтының ғылыми қызметкерлері қатысты.
«Жас Отан» ЖҚ, ҚазАльянс, «Болашак» стипендиаттарының қауымдастығы, Қазақстан жастар Конгресі, «Қазақстан студенттерінің Альянсы» республикалық жастар қозғалысы, Жастар саясатын дамыту мемлекеттік қоры мен басқа да жастар ұйымдарының өкілдері қатысты.
Елбасының бағдарламалық мақаласы қазіргі заманғы Қазақстанның стратегиялық бағыт – мүдделерін айқындайтын жаңа идеологиялық тұжырымдама екені басты мәселе ретінде айтылды. Бұл жастарға деген тың бағыт болып саналады. Өз сөздерінде олардың үлкен серпілістерге бағыттайтын ерен күш екенін жастар сеніммен айғақтай түсті.
Сарапшылық талқылаудың қорытындылары бойынша баяндамалар негізінде қатысушылармен сарапшылық ұсыныстар берілді.
Сапарбай ПАРМАНҚҰЛ,
«Егемен Қазақстан»
АЛМАТЫ
