Астана, Алматы, Шымкент, Семей, Қызылорда, Өскемен, Орал, Көкшетаудан келген 10 команда өзара кім мықтыны анықтамақ. Жарыс мақсаты – ұлттық және халықаралық стандарттарды ескере отырып, тұрғындарға жедел көмек көрсету дағдыларын дамыту. Қатысушылар жедел әрекет ету арқылы анафилактикалық шок, жаңа туған сәбиді реанимациялау және жарақат алғанда көмек көрсету бойынша клиникалық бекеттерден өтуі тиіс. Әрбір тапсырма үшін клиникалық станция әзірленген: шынайы жағдай кезіндегідей манекен және стандартталған емделушілерді қолдану арқылы ептіліктерін көрсетеді.
Жедел-жәрдем қызметінің бригадирлеріне арналған алғашқы жарыс «Астана» оқу-клиникалық орталығының бастамасымен 2016 жылдың маусым айында қысқы Универсиада-2017 шарасы қарсаңында Алматы қаласында өткізілген болатын. Биыл ЭКСПО-2017 халықаралық көрмесіне дайындық қарсаңында ұйымдастырылып отыр.
Бұқаралық шараларды ұйымдастыру мақсатында және Қазақстан туризмін дамыту үшін жедел-жәрдем қызметінің ұлттық және халықаралық стандарттарға сай болуы басты мәселе.
Шара қалалық әкімдіктің, ҚР денсаулық сақтау министрлігінің, «Астана» оқу-клиникалық орталығы, симуляциялық білім беру және медицинадағы тәуелсіз сарапшылар Қазақстан Одағы, Астана қаласының жедел-жәрдем станциясының қолдауымен өткізілуде.
