Қызылордада құс фермасы іске қосылады

Шиелі ауданынан 11 мың құсқа арналған құс фермасы іске қосылатын болады, деп хабарлады ҚазАқпарат. Құрылыс жұмыстары аяқталған фермада бүгінде қажетті құрал-жабдықтары орнатылуда. Құс фермасы іске қосылғаннан кейін жылына 5 млн дана жұмыртқа, 11 тонна құс еті өндіріліп, 6 адам тұрақты жұмыспен қамтылуы жоспарланып отыр. Бұл туралы аудан әкімі Қайратбек Әубәкірұлы өңірдегі бұқаралық ақпарат құралдары өкілдері мен өткізілген баспасөз мәслихатында мәлімдеді. Сондай-ақ, аудан да кәсіпкерлік бағытта мұнан өзге де жаңалықтар баршылық. Солардың бірі, «Асылхан» шаруа қожалығының 200 бас ірі қара малына арналған сүтті тауарлы фермасы. Бүгінде құрылыс жұмыстары толық аяқталған сүт фермасында сынақ жұмыстары жүргізілуде. Ферма толық іске қосылғаннан кейін, тәулігіне 3 тоннаға дейін сүт алынып сүт, айран, қаймақ, кілегей, сары май өнімдері шығарылатын болады.