ШҚО-да таэквондодан ел чемпионаты басталды

Жастар арасында таэквондодан Республика Чемпионатында барлық өңірден 301 спортшы қатысуда. Бұл дода Қазақстан Тәуелсіздігінің 25 жылдығы құрметіне арналады, деп хабарлады ҚазАқпарат. Рәсімнің ашылу уақытында шараның маңыздылығын атап өткен таэквондо федерациясының вице-президенті Арман Чилманов аталған спортты дамытуға үлес қосқаны үшін дене шынықтыру және спорт басқармасының басшысы Асқар Можановқа алғыс хат берді. Жеңімпаздар келесі жылы Оңтүстік Кореяда өтетін Азия чемпионатына қатысады. «Әр жылы Шығыс Қазақстанда нақты мақсатқа қол жеткізу үшін спортпен айналысатын балалар саны артып келеді. Таэквандо - спорттың танымал түрлерінің бірі. Республикалық чемпионат - бұл өздеріңнің үздік дағдыларыңды көрсетуге мүмкіндік беретін жарыс. Азия чемпионатына іріктеу туры. Табыс тілеймін», - деді А. Можанов.