Қауіпсіздік комитеті төрт өңірде арнайы операция жүргізіп жатыр

21 желтоқсанда Ұлттық қауіпсіздік комитеті "Такфир уәл-Хижра" діни-экстремистік ұйымының жасырын орындарын жою мақсатында Қазақстанның төрт өңірінде арнайы операция жүргізді, деп хабарлайды Қауіпсіздік комитетінің баспасөз қызметі. Хабарламада айтылғандай, арнайы операция Алматы, Ақтөбе, Атырау облыстары мен Алматы қаласында қатар жүргізілді. Шараның нәтижесінде Ұлттық қауіпсіздік комитетінің өңірлік органдарына 16 адам жеткізілді. Қазір оларды тінту және өзге де жедел тергеу жұмыстары жүргізілуде. Комитет баспасөз қызметі алдағы уақытта ведомстваның жұмыстарының нәтижесін кеңінен жариялайтынын айтты.