«Сарыарқа» «Оңтүстік Орал» командасынан басым түсті (видео)

Жоғарғы хоккей лигасының матчында Қарағандының «Сарыарқа» хоккей клубы Орск қаласында жергілікті «Оңтүстік Орал» командасымен кездесіп, 4:3 есебімен басым түсті. Алғашқы шайбаны 12-минутта Олег Марзоев соғыып, өз командасын алға шығарды. Екінші 20 минутта жағдай басқаша өрбіді. 27-минутта Роман Музычко қарсы қақпаны дәл көздеп есепті еселей түскенмен, қонақтар араға бір жарым минут салып есеп айырмасын қысқарта білді. Оны Артур Сарваров салды. Ал 32-минутта Олег Ломако мергендігімен көзге түсіп, таразы басын теңестірсе, 39-минутта Антон Сагадеев қарағандылықтарды алға шығарды. Матчтың соңғы кезеңі де тарытсқа толы өтті. 56-минутта Артур Сарваров дубль иесі атанып, таблодағы көрсеткішті 4:2-ге жеткізді. Өз жанкүйерлерінің алдында өнер көрсеткен «Оңтүстік Орал» намысқа басып, соңғы минутта Денис Скатовтың көмегімен бір шайба соққан. Бірақ бұл оларды жеңілістен құтқарып қала алмады. «Сарыарқа» келесі ойынын ертең Челябинскіде «Челмет» ұжымымен кездеседі.