2016 жылғы 12 желтоқсан мен 2017 жылғы 5 қаңтар аралығында «Пиротехника» атты жедел-профилактикалық іс-шара жүргізілуде. Бұл туралы Орталық коммуникациялар қызметінде «Пиротехниканы пайдалану кезіндегі сақтық және қауіпсіздік техникасын сақтау шаралары туралы» тақырыбында өткен брифинг барысында Ішкі істер министрлігі әкімшілік полиция комитетінің өкілі Марат Отыншин мәлім етті.
Ол пиротехникаларды арнайы рұқсат етілген дүкендерден сатып алуға кеңес берді. Сондай-ақ әкімшілік полиция комитетінің өкілі пиротехниканы қауіпсіздік шараларын сақтай отырып қолдану қажеттілігне назар аударды.
«Жаңа жыл мерекесін өткізу кезінде қоғамдық қауіпсіздікті қамтамасыз ету, сондай-ақ жеке және заңды тұлғалардың белгіленген азаматтық пиротехникалық заттар мен олар қолданылып жасалған бұйымдардың айналымы қағидаларының сақталуын бақылау мақсатында 2016 жылғы 12 желтоқсан мен 2017 жылғы 5 қаңтар аралығында әкімшілік полиция, жергілікті полиция қызметі және азаматтық қорғау органдары бөлімшелерінің қызметкерлері «Пиротехника» атты жедел-профилактикалық іс-шара жүргізілуде. Ол рұқсат етілмеген, сондай-ақ рұқсат беру құжаттары жоқ пиротехникалық бұйымдарды сату фактілерін анықтауға бағытталған, адамдар жаппай жиналатын орындарды тексеруге ерекше көңіл бөлінеді», – деп атап өтті М. Отыншин.
Айдар Өрісбаев, "Егемен Қазақстан".
Соңғы жаңалықтар
Алматы облысында көлік салығынан жалтарғандар анықталды
Қоғам • Бүгін, 13:34
Қасым-Жомарт Тоқаев Валентина Матвиенкомен кездесті
Президент • Бүгін, 13:28
Шерзат Болаттың әкесіне қатысты қылмыстық іс қозғалды
Қоғам • Бүгін, 13:05
Мереке күндері ХҚКО қалай жұмыс істейді
Қоғам • Бүгін, 13:00
Қарағандыда күдікті 14 млн теңге ұрлап, құмар ойынға жұмсаған
Оқиға • Бүгін, 12:39
Ақмолада вейп саудасы тоқтатылды
Оқиға • Бүгін, 12:36
