Атлеттер ауылы спортшылар қабылдауға дайын

Алматыдағы қысқы Универсиада аума­ғын­дағы Атлеттер ауылы әлемнің 55 елі­нен келетін спортшыларды қабылдауға сақа­дай сай отыр. Қалашықтағы құрылыс жұ­мыс­­тары 2014 жылғы желтоқсанда басталып, биылғы жылғы тамыз айында толық аяқталған. Дирекцияның айтуынша, мұнда спорт­шыларға керекті нәрсенің бәрі бар. Атлет­тер ауылы бір мезетте 5 мың адамды қа­был­дай алады. Онда 1 кісі­лік орыннан бас­тап 3 кісілік жылы әрі ыңғайлы жатын жай­лары жасалған. Сондай-ақ, әлемнің әр түк­пірі­нен келетін шетелдік меймандар Қазақ елі­нің ұлттық аспаптарымен және ән-күйі­мен де танысады. Атлеттер ауылында ашыл­ған мұражайдан Әміре Қашаубаев пен Жүсіпбек Елебековтің домбыраларын, Шашу­­бай Қошқарбайұлының сырнайы мен Сма­тай Үмбетовтің қылқобызын және бас­­қа белгілі тұлғалардың аспаптарын көру­­ге болады. Ал жақын күндері спортшылар қала­шы­ғында діни және мәдени орта­­лық­­тар мен сән салондары ресми түрде ашылады. – Спортшылар қалашығында 1748 пә­тер бар. Өздеріңіз көріп отырсыздар, бар­­лық жатын бөлмелер дайын. Жылу беріл­ді. Жуынатын және төсек орындар­дың ба­р­­лығы сапалы құрылыс материалдарымен жа­салған. 55 елден 3 жарым мыңдай үміт­­­кер келеді деп күтіп отырмыз. Бұл – Уни­­в­ер­­сиада тарихындағы рек­орд­тық көр­с­­ет­­кіш, – деді осы орайда Атлет­­тер ауы­­лы де­пар­таментінің жетекшісі Сәнім Шәріпова. Талғат Сүйінбай, «Егемен Қазақстан»