Стратегиялық сипатқа ие

Мемлекет басшысы Нұрсұлтан Назарбаев «Қазақстанның Үшінші жаңғыруы: жаһандық бәсекеге қабілеттілік» атты Қазақстан халқына Жолдауында еліміздің жаңа әлеуметтік-экономикалық және саяси бетбұрыстарға қадам басқанын мәлімдеді. Еліміз Тәуелсіздік алған­нан кейінгі аралықта көпте­ген құрылымдық өзгерістер­ді жүзе­ге асырып, аса маңыз­ды нәти­желерге қол жеткізді. Ал Елбасы Жолдауында алға қойыл­ған міндеттер мен мақ­саттар осы 25 жыл ішіндегі табыстардың заңды жалғасы болып табылады. Президент Жолдауы ұзақ мерзімді стратегиялық сипат­қа ие. Онда сыртқы экономикадағы құбыл­малы әсерлер кезінде қоғамның әл-ауқатын арттыруға бағытталған кешенді шара­лар қамтылған. Жаңа жаһандық талаптарды назарға ала отырып, қазіргі таңда елдің ішкі әлеуетін күшейте түсу кезек күттірмейтін мәселе деуге болады. Осы мақсатта Президент орнықты эконо­микалық өсімге, ұлттық экономиканы технологиялық жаңғыртуға, іскерлік ортаны жақсартуға, макроэкономикалық тұрақтылықты қамтамасыз етуге, адами капиталды сапалық тұрғыда арттыру­ға, сонымен қатар, институттық қайта құруға, сыбайлас жемқорлыққа қарсы нәти­­желі күрес жүргізуге бағытталған басым­­дық­тарды атап көрсетті. Жолдауда айтылғандай, көлік-логис­ти­калық инфрақұрылымды жаңғырту, ауыл шаруашылығы, құрылыс, шағын және орта бизнес сынды салаларды дамыту ұлттық экономиканы алға сүйрейді. Елдің азық-түлік қауіпсіздігін қамтамасыз етудің негізі саналатын агро­өнер­кәсіп кешенінің Қазақ­стан экономикасы үшін қан­ша­лықты зор маңызға ие екендігі соңғы жылдары ай­қын байқалды. Сол себеп­ті, алдағы уақытта да агро­өнер­кәсіп кешенін одан әрі дамыту көзделіп отыр. Коопера­тив­тердің рөлін күшейту, шикі­затты тереңдетіп өңдеу әрі оны сақтау сапасын жақсарту, тасымалдау мен өткізу, егістік жерлерді кеңейту, аграрлық ғылыми зерттеулерге инвестицияны көптеп бөлу сынды нақты шаралар ауыл шаруашылығы саласының жаһандық бәсекеге қабілеттілігін ар­т­тыруға ықпал етеді деген ойдамын. Осы орайда, қазірдің өзінде Қазақстан ауыл шаруашылығы секторының әлеуеті бойынша алдыңғы қатарлы елдердің бірі саналатынын айта кету керек. Жалпы, Конституцияға өзгерістер енгізу жөніндегі ұсыныстар Үшін­ші жаң­ғыру­да алға қойылған міндет­тер мен мақ­саттарға қол жеткізуге өте тиімді ықпал ететіні анық. Қазіргі таңда Қазақстан жаңа саяси, экономикалық, әлеуметтік дамудың қарсаңында тұр деп санаймын. Анна АЛЬШАНСКАЯ, Қазақстан Президенті жанындағы Стратегиялық зерттеулер институтының ғылыми қызметкері