Өндірісті өркендетуге тың серпін береді

Кеше «Нұр Отан» партиясы Төрағасының бірінші орынбасары Мұхтар Құл-Мұхаммед Елбасының «Қазақстанның Үшінші жаңғыруы: жаһандық бәсекеге қабілеттілік» атты биылғы Жолдауы мен билік тармақтары арасында өкілеттіктерді қайта бөлу мәселелері жөніндегі Үндеуін талқылау һәм түсіндіру мақсатында жұмыс сапарымен Шығыс Қазақстан облысына келіп, Өскемендегі «Восток Молоко» корпорация­сы мен Арматура зауытының тыныс-тіршілігімен танысты және С.Аманжолов атындағы Шығыс Қазақстан мемлекеттік университетінде профессорлық-оқытушылар құрамымен, сондай-ақ, студенттермен кездесті. «Восток Молоко» корпо­ра­циясы» ЖШС Шығыс Қа­зақ­стан­­­дағы ең ірі ауыл шаруа­шы­­­лығы кәсіпорын­­дары­­ның бірі­­­н­ен саналады. 2011 жылы мем­­­­ле­кет­тік Үде­мелі ин­­дуст­рия­­­­­­лық-ин­но­вация­лық даму бағ­дар­­­­лам­асы арқылы 940 мил­лион теңге қаражатқа қол жет­кіз­ген кәсіпорын жылына 36 мың тон­­наға жуық өнім шығара­ды. Өңір­­дің қалалары мен аудан­­дарын­да 8 зауыт жұ­мыс іс­тей­­ді. Барлығы да за­ма­науи тех­­но­­­логиялармен жарақ­тан­ды­рыл­ған. Басқарудың ортақ жүйе­сі жолға қойылған. Кор­пора­ция жетекшісі Сейілжан Сай­лау­баев мемлекеттің қам­қор­­лы­ғы­ның арқасында өн­діріс аясын кеңейтіп, алдағы уақыт­та кәсіпорында өндірі­ле­тін та­биғи өнімдерді Қытай­ға экс­порт­­қа шығаруды жос­пар­лап отыр­ған­дарын жеткіз­ді. Пар­тия Төраға­сы­ның бірін­ші орын­басары мұнда­ғы шы­ғарылатын өнім түр­лері­мен танысып, ұжым­мен кез­д­е­сіп, биылғы Жол­даудағы ба­сым­­­дық­тарға, бүгін­де мемле­кет тара­пы­нан агроөн­­­діріс­тік кешен­ді қол­дау бағы­тын­да қолға алынып жат­қан жұмыстарға жан-жақты тоқталды. Мемлекет ұсынған мүмкін­діктерді тиімді пайдаланып отырған кәсіпорындардың бірі – Өскемендегі Арматура зауыты. Бұл зауыттың өнімдері бүгінде мұнай-газ саласында үлкен сұранысқа ие. Кәсіпорын ҮИИД бағдарламасы арқылы екінші деңгейлі банктерден жеңілдетілген пайызбен несие алыпты. Зауыт директоры Ер­жан Әшімов мемлекет тара­пынан көрсетіліп жатқан көмек кәсіпорын жұмысына тың серпін бергенін айтып өтті. – Үдемелі индустриялық-инно­вациялық даму бағдар­лама­сының алғашқы бес жыл­дығында еліміз бойынша 700-ден астам осындай кәсіпорын ашылды, – деді Мұхтар Құл-Мұхаммед осы зауытты аралау барысында сөйлеген сөзінде. «Нұрлы жол» бағдарламасы аясында 2015 жылы – 740, 2016 жылы 750 мил­лиард теңге қаржы бөлінді. Тек соңғы екі жыл көлемінде осы бағдарлама бойынша 1 трил­лион 500 миллион теңге қаржы игерілді. Салыстырып көріңіз, 2001 жылы еліміздің бюджеті бар болғаны 700 миллиард теңге болатын. Қазір жыл сайын бір ғана бағдарлама аясында 750 миллиард теңге бөлініп отыр. Мемлекет басшысы Үдемелі индустриялық-инновациялық даму бағдарла­масының алғашқы кезеңі аяқталғаннан кейін жаһандық деңгейдегі стратегиялық құжат – Үшінші жаңғыруды ұсынды. – Шығыс Қазақстан – өн­діріс­ті өңір ғана емес, ауыл шаруа­­шылығы қанат жайған аймақ. Екі кәсіпорынды аралау барысында агроөндірістік кешен мен өнеркәсіпті өркен­детуге мемлекет тарапынан зор қам­қорлық көрсетіліп отыр­ға­нын аңғардым. Елбасы Жол­дауы өңірдің өнді­рістік кәсіпорын­дарына, олардың өз өнімдерін заманауи, жоғары тех­нологиялар негізінде жаң­ғырту­ға үлкен мүмкіндік туды­рып отыр. Аймақтағы кәсіп­орын­­дар бұл мүмкіндікті ұтым­ды пай­дала­нады деп ойлаймын, – деді Мұхтар Құл-Мұхаммед. С.Аманжолов атындағы Шығыс Қазақстан мемлекеттік универ­ситетінде партия Төр­аға­сының бірінші орынба­сары­мен өткен кездесуде оқыту­шылар мен студенттер қауы­мы Пре­зиденттің халық­қа ар­на­ған алғашқы Жол­дауы­­нан биылғы Үшінші жаң­ғыру­ға дейінгі маңызды страте­гия­лық құжаттардың қалай қабыл­данғаны, олардың әрқайсы­сының ерекшеліктері турасын­дағы құнды деректерге қанықты. – 2004 жылы Мемлекет бас­шысы «Бәсекеге қабілетті Қазақ­стан үшін, бәсекеге қабілетті эко­­но­мика үшін, бәсекеге қабі­­лет­ті халық үшін» атты Жол­дауын жария­лаған еді. Бәсекеге қабі­лет­ті­лік. Міне, нағыз ұлттық идея. Ол кезде Елбасы жаңғыру жөнін­де айт­қан жоқ. Бүгін, міне, бәсе­кеге қабілеттіліктің кілтін түсін­­д­іріп, бағыт-бағдарын көр­сетіп отыр. Егер біздің мек­теп­тері­­­міз бә­се­кеге қабілетті болса, уни­вер­­си­тет­теріміз бәсекеге қабі­­летті бол­са, ұлтымыз бәсе­кеге қабі­л­етті болады. Президент айт­­қан әлем­­­нің дамыған 30 елі­нің қата­ры­­на енудің түп мақсаты осы бол­са керек, – деді Мұхтар Құл-Мұхаммед. Азамат ҚАСЫМ, «Егемен Қазақстан» ӨСКЕМЕН