Басымдықтар жан-жақты талданған басқосу

Алматыдағы әл-Фараби атындағы ҚазҰУ-дің Ө.Жолдасбеков атындағы Студенттер сарайында Парламент Мәжілісінің вице-спикері, «Нұр Отан» партиясы фракциясының жетекшісі Гүлмира Исімбаева мен Мәжіліс депутаты Бекболат Тілеухан университет қызметкерлерімен және Бостандық ауданының студент жастарымен кездесу өткізді. Онда Мемлекет басшысы Н.Ә.Назарбаевтың Қазақстан халқына «Қазақ­станның Үшінші жаңғыруы: жаһандық бәсекеге қабілеттілік» атты Жолдауы мен Елбасының билік тармақтары арасында өкілеттіктерді қайта бөлу жөніндегі конституциялық реформаларға жасаған Үндеуі талқыланды. Отырыста сөз сөйлеген Парламент Мәжілісінің вице-спикері Гүлмира Исімбаева Жолдаудың мән-маңызы мен ерекшелігін айта келіп, бұл құжатта оқу үдерістеріне IT-білімді енгізу, жаңа индустрия­да цифрлық технологияны қолдану, қаржылық біліктілікті көтеру, үштілділікті дамыту, тұрғындардың сапалы білім алуға қолжетімділігін қам­та­ма­сыз ету мәселелеріне ерекше назар аударылғанын талдап айтып берді. Бүкіләлемдік дағдарыс жағ­дайында мемлекеттің уақыт талабына сай дамудың 5 бағы­тын таңдап алғанын жан-жақты түсіндірді. Депутаттар мен жастар жүз­десуіне әл-Фараби атындағы ҚазҰУ-дің заң факультетінің дека­ны Дәулет Байділдинов, осы оқу орнының Жастар ісі жө­ніндегі комитетінің төрайымы Айсұлу Ерниязова қатысты. * * * Сонымен қатар, Парламент Мәжілісі Төрағасының орын­­- ба­сары, «Нұр Отан» партия­сы фракциясының жетекшісі Гүл­мира Исімбаева Қазақ ұлт­тық қыздар педагогикалық уни­вер­ситетінің профессорлық-оқы­тушылар құрамымен және студент жастарымен де кездесті. Кездесу барысында өзі де ұстаздарға ұстаз болған ұла­ғатты басшы «Қазақстанның Үшін­ші жаңғыруы: жаһандық бәсе­кеге қабілеттілік» атты Жол­дауды талдай келе, Төртінші басым­дық – адами капитал сапасын жақсарту – білім беру, ден­сау­лық сақтау, әлеуметтік қамсыз­дандыру салаларының маңы­зына айрықша тоқталды. Айнаш ЕСАЛИ, «Егемен Қазақстан» АЛМАТЫ