Роуши Уоррен: Жақияновпен қайта кездескім келеді

Отандасымыз Жанат Жақияновтан жеңіліп, WBA (Super) және IBO белбеулерінен айырылған америкалық боксшы Роуши Уоррен төрешілердің шешімімен келіспейтінін мәлімдеді, деп хабарлады vesti.kz. Уорреннің айтуынша, ол қарсыласынан соққылардың дәлдігі бойынша басым түкен екен. Сонымен қатар, ол чемпиондық белбеулерін қайтарып алғысы келетіні айтты. "Мен бұл жекпе-жекте жеңіске жеттім. Оны екі рет нокдаунға жібердім. Менің соққыларым да дәл тиіп жатты. Қазіргі төрешілер дәлдікке емес, рингте кім белсенді болса, соған жеңісті беретін болды. Мұндай  жағдай Хуан Карлос Пайаномен жұдырықтасқанымда да болған еді. Онымен бірінші рет жекпе-жек өткізгенімде жеңіліп қалдым. Ал екінші кездесуде төрешілер менің қолымды көтерді. Енді мен Жақияновқа қарсы екінші кездесуде өзімнің мықты екенімді дәлелдеу керекпін. Әрине, мен екінші жекпе-жекті (реванш) қалаймын. Өз белбеулерімді қайтарып алғым келеді", - дейді Уоррен BoxingScene.com басылымына берген сұхбатында.