Головкин: Шеберлігімді арттыру – басты мақсатым

WBA (Super), IBO, WBC және IBF тұжырымдары бойынша орта салмақта әлем чемпионы Геннадий Головкин жаттығу жұмыстары жайлы ой бөлісті. Бұл туралы sports.kz хабарлады. «Бұл – менің жаттығу залындағы екінші аптам. Боксқа деген құштарлығым сондай, дайындықтан шаршап келгенімнің өзі бір керемет. Бұл жыл мен үшін жақсылықтарға толы болады деп үміттенемін. Күн өткен сайын көбірек жаттығып, шеберлігімді арттыра түссем деймін. Осы менің басты мотивациям. Өзгелер үшін қиын болуы мүмкін. Бірақ өз ісіне берілген жандарға бұл да бір ләззат», – деді Головкин. Айта кетейік, 18 наурыз күні АҚШ-тың Нью-Йорк қаласындағы Madison Square Garden аренасында Геннадий Головкин мен Дэнниэл Джейкобс арасындағы кездесу өтеді.