Жемқорлықпен күрес шаралары одан әрі күшейтіледі

Кеше Ақордада Қазақстан Республикасының Мемлекеттік хатшысы Қанат Сау­да­баевтың төрағалық етуімен Қазақстан Республика­сы­ның Президенті жанын­да­ғы Сыбайлас жем­қор­лыққа қарсы күрес мәселелері жө­ніндегі комиссияның оты­рысы болып өтті. Мемлекетіміздің сыбайлас жем­қорлыққа қарсы стра­те­гия­сын іске асыру үшін ауқымды жұмыстар аясында Елбасы Нұр­сұлтан Әбішұлы Назарбаевтың тапсырмасы бойынша сыбайлас жемқорлыққа қарсы күресті кү­шейту және құқық қорғау жүйе­сінің реформасын жүргізу бағы­тында одан әрі тиісті шаралар қабылданып жатыр, деді Қанат Саудабаев комиссия отырысын ашардағы сөзінде. Осылай дей келіп, Мемлекеттік хатшы Елбасының Парламентте сөйлеген сөзіне тоқталып өтті. Дегенмен, деді осы туралы Қ.Саудабаев, Мемлекет басшысы төртінші шақырылымдағы Пар­ла­менттің бесінші сессиясының ашылуында сөйлеген сөзінде: «Құ­қық қорғау тәртібін нығай­ту­дың маңызды аспектісі – сы­бай­лас жемқорлыққа қарсы ымыра­сыз күрес. Сыбайлас жемқор­лық­қа қарсы заңнаманы осы дерттің алғышарттарын болдырмайтын нақты нормалармен толықтыру қажет», деп атап көрсеткен еді. Сондықтан сыбайлас жемқор­лық­тың көріністерімен табысты күресу үшін қысқа мерзім ішінде заңды күші бар нақты да айқын құқықтық нормалар база­сын кү­шейту қажет. Осындай тәсіл Пре­зиденттің сыбайлас жемқор­лық­пен күрестегі ұста­ным­дарын іске асыруға сөзсіз мүмкіндік береді. Отырыста мемлекеттік орган­дар­дың көші-қон заңнамасын қол­дану жөніндегі қызметіне про­куратура органдарының жүр­гізген тексеру нәтижелері мен Ақмола және Алматы облыстары әкімдіктерінің сыбайлас же­м­қор­лық­қа қарсы күрестің аймақтық мәселелерін іске асыруда қабыл­дап жатқан шаралары бойынша Бас прокурордың бірінші орын­басары И.Меркельдің, Ішкі істер министрі Қ.Қасымовтың, сондай-ақ аталған облыстардың әкімдері С.Дьяченко мен А.Мұсахановтың баяндамалары тыңдалды. Отырыстың қорытындысында комиссия Ішкі істер министрлігіне, Ақмола және Алматы облыс­тарының әкімдеріне халықтың көші-қонын реттеу саласында сыбайлас жемқорлықтың алдын алуды одан әрі жетілдіру, сондай-ақ Сыбайлас жемқорлыққа қарсы іс-қимылдың 2011-2015 жыл­дар­ға арналған бағдарламасын жүзеге асыру бойынша пәрменді шаралар қабылдау жөнінде нақты ұсынымдар жасады. Әлисұлтан ҚҰЛАНБАЙ.