16 Қыркүйек, 2011

«Қазақстан миссисі – 2011» байқауы өтті

177 рет көрсетілді
Астанада ел Тәуелсіздігінің 20 жыл­­­ды­ғы­­на арналған ІІІ Ұлттық «Қазақстан мис­сисі – 2011» конкурсының финалы өтті. «Сезон» журналы және Президент жанындағы Әйелдер істері және отбасылық-демогра­фиялық саясат жөніндегі ұлттық комиссия ұйымдастырған бұл кон­курстың мақсаты – ана бо­луды ұлттық идея ретінде насихаттау, тұрмыстағы әйелдердің рөлі мен мәр­тебесін көтеру, ең бастысы отбасы құн­дылықтарын мемлекеттің берік іргетасы ретінде насихаттау. Сон­дай-ақ, конкурс қоғамның мо­­раль­дық-адамгершілік ұстанымдарын, бірлік пен келісімді нығайтуға, ұлтты біріктіруге бағытталған. «Қазақстан миссисі – 2011» конкурсына қа­ты­сушыларға қо­йы­латын басты шарттардың бірі – олар­дың отбасыларының бала­ларының болуы екен­дігін және осы шараға орай сатылатын билеттерден түскен қаражат жетім және ата-ана­ла­ры­ның қам­қорлы­ғынсыз қалған жеткіншектерге қол­дау ретінде балалар үйлеріне жіберілетінін де айта кеткен жөн. Сонымен Астанада өткен шешуші финалға елі­міздің түкпір-түкпірінен, нақтылап айтқанда әр өңірде өткен турларда же­ңім­паз атанған 20 әйел қатысты. Сахнаға топтала шыққан осы әйелдер ең ал­дымен, жұртшы­лық алдында өзін-өзі таныс­тыр­ған болса, бұдан кейін олар өз­дерінің болмыс-бітімін, интел­лек­туалдық әлеуетін, талғам-та­лабын, білім-білігін көрсететін сұрақтарға жауап берді. Нәти­жесінде бас жүлдені алматылық, алты баланың анасы Виктория Момынбаева жеңіп алса, бірінші орынды да ал­­ма­тылық бес бала тәрбиелеп отырған ана Ақнұр Жұ­мабаева иеленді. Ал ІІ орын Семейден келген Ольга Сағын­дықоваға бұйырды. Бір айта кететін жайт, қа­зақ тілінде таза сөйлейтін Ольга домбырамен күй тартуда да өзге құр­бы­ла­рынан оқ бойы озық көрінді.  «Егемен-ақпарат».
Соңғы жаңалықтар

Ұқсас жаңалықтар