Коста-Рикаға «Отто» дауылы жақындап келеді

Сәрсенбі күні кешке Коста-Рика президенті Луис Гильермо Солис «Отто» дауылының жағаға жақындауына байланысты ел аумағында төтенше жағдай жариялады, деп хабарлады ТАСС. Төтенше қызмет басшылығымен кездескен соң Солис баспасөз конференциясына қатысып, жақын арада ТЖ режимі туралы қаулыға қол қоюға уәде берді және өзінің Твиттер парақшасында жеке сектор басшыларына өз қызметкерлерін қорғауға қажетті шаралар жүргізуге және бейсенбі, жұма, демалыс күндері жұмысты уақытша тоқтата тұруға кеңес берді. Бұдан бөлек, президент қауіптің «қызыл» деңгейін елдегі тағы бірнеше ауданға ұлғаятынын хабарлады. Осыған дейін билік құтқару қызметтерін толық дайындап, жағаға жақын орналасқан аудандардан 4 мың адамды көшірген болатын. АҚШ-тың дауылды бақылау жөніндегі ұлттық орталығының мәліметі бойынша Кариб теңізіндегі «Отто» тропикалық дауылы тағы да бірінші санатқа дейін күшейген. Жойқын жел қазіргі уақытта Косто-Риканың солтүстік-шығыс жағалауынан 230 км қашықтықта, жылдамдығы сағатына 33,3 шақырымды құрайды. Сонымен қатар, табиғат апаты Никарагуа мемлекетіне де зиянын тигізейін деп тұр. Билік қауіпті аймақтан 10,5 мың адамды көшіру жөнінде шешім қабылдады. Ал Панамада дауылдың салдарынан 150 отбасы зардап шегіп, 11 адам із-түзсіз жоғалып кетті, сондай-ақ 4 тұрғын опат болды.