Қызмет көрсету қырлары

Үстіміздегі жылдың наурыз айы­нан бастап халыққа қызмет көр­сету орталықтары Байланыс және ақпарат министрлігі құзы­рына берілді, соған орай мекеме жұмысына жаңашылдық енгізіліп, халық игілігіне жарамды көптеген бастамалар іске асырыла бастады. Оның нақты көрінісіне Алматы қаласы Бостандық ауданының ха­лыққа қызмет көрсету орталығы мысалында көз жеткізуге болады. Атап айтар болсақ, «Элек­трон­ды үкімет» бағдарламасын жүзеге асыру және электронды мемлекеттік қызметтерді қолданушылар са­нын арттыру мақсатында орта­лықта «Электронды үкімет бұры­шы» ашылды. Орталық қызмет­кер­лері қазірдің өзінде әрбір келушілерге электронды сандық кілттерді беру, оны пайдалану, «Элек­тронды үкіметтің» мүмкіндіктерін жан-жақты түсіндіру жұмыста­рын кеңінен жүргізуде. Шілде айынан бастап қайта жаңғырту жұмыстары басталған орталық бүгінгі таңда келушілер­дің көзін қуантуда. Модерниза­ция­лау жоспарына сәйкес, халық­қа қызмет ұсыну ісіндегі үздік үлгі болып есептелетін кедергісіз, тос­қауылсыз қызмет көрсету қағи­даты енгізілді. Жаңа жиһаз бен құрал-жабдықтар орналасқан ор­та­лыққа келген әрбір азамат озық қызмет көрсету үлгісін көре ала­ды. Орталықтың барлық қызмет­кері жаңа бастамаға сай жұмыс істеп, ХҚКО қызметкерлерінің мә­дениеті мен этикасы ережесіне сәйкес сыпайылық, әдептілік, жан-жақты көмекке әзірлік ұста­нымы бойынша жұмыс жасайды. Бостандық ауданының халық­қа қызмет көр­сету орталығында халыққа сапалы әрі уақытылы қызмет көрсету жолындағы бастамалардың бірі – Қазақстан халқына мемлекеттік ор­ган­дар­дың қолжетімділігін қам­та­масыз ету мақсатындағы мемлекеттік ор­гандарға азаматтардың өтініш­терін қабылдау және жолдау тәртібі ұйымдастырылуы. Яғ­ни, әрбір азамат орталық мемлекеттік органға өз өтінішін жол­дағысы келсе, электронды сандық қол­таңбасы бар кілтті алып, өті­ніштерді қабылдайтын қызметкер­лерге жолдауына болады. Қала халқының ыңғайына орай, бизнес құрылым­дарының дамуы­на үлес қосу мақсатында Бос­тандық ауданы­ның халыққа қыз­мет көрсету ор­талығы мен «Казкоммерцбанк» АҚ арасында келісім бекітіліп, Төле би мен Байзақов көшелері, Әл-Фараби мен Желтоқсан кө­шелері қиы­лысында орналасқан банктің бөлімшелерінде «икемді» орта­лықтар ашылды. Қазіргі уа­қытта аталған бөлімшелерде отыр­ған орталық қызметкерлері де мемлекеттік қызметтер көрсетуде. «БТА Банк» пен «ЦеснаБанк» АҚ-тар арасындағы келісім негізінде Гагарин көшесі мен Сейфуллин көшесі бойларында орналасқан екінші деңгейлі банктер бөлімше­лерінде тағы халық игілігіне жарамды «икемді» орталықтар ашылу жоспарлануда. Бұл жаһандану үдерісі мен тех­ника және технологиялар қар­қын­ды даму уақытында Қазақ елі­нің көштен қалмай, дамыған елдермен терезесі тең болу үшін жасалынып жатқан шаралар. Оның үстіне бұл артық қағазбас­тылық пен әуре-сарсаң, бюрокра­тиялық кедергілер мен сыбайлас жемқорлыққа қарсы бағытталған ең тиімді жұмыс. Орталық арқылы қазіргі уа­қыт­та 20-дан астам мемлекеттік қыз­мет түрлері көрсетіледі. Ұжым әр­дайым халық үшін қызмет көрсетуге әзір. Әбен ЗҰЛПЫҚАР.