Астанада көктайғаққа қарсы реагент қолданылады

Биыл алғаш рет елорданың коммуналдық қызметтері көктайғаққа қарсы «Айсмелт» реагентін пайдалана бастады, деп хабарлады Астана әкімдігінің баспасөз қызметі. «Астана Тазалық» ЖШС хабарлауынша, «Айсмелт» хлорлы кальций негізінде өндірілетін көпқұрамды материал. Қату температурасы өте төмен бұл реагент мұздың түзілуін болдырмайды. Ұқсас материалдармен салыстырғанда, аудан учаскесін өңдеуге құрамның аз көлемі қажет. Қыстың алғашқы күндерінен елордада аталған заттың 575 тоннасы қолданылған. Реагенттің басты артықшылығы – адам мен жануарлар үшін зияны жоқ. Бұған қоса, ол көшені ластамайды, және тайғанауға жол бермейді, қар немесе мұз қабатына тез және терең сіңеді және жинағаннан кейін із қалдырмайды. Дұрыс қолданған жағдайда реагент көктайғақтың түзілуіне жол бермейді, көктайғаққа қарсы екі құрамдасты (хлорлы кальций және хлорлы натрий) үйлестіру есебінен ұзақ уақыт еруді қамтамасыз етеді. Оның басты артықшылықтарының бірі – реагенттердің ішінде ең көп шығындалатындығы. Осының арқасында көктайғақпен күресте нәтиже бар. Ауа райы жағдайларына байланысты жыл сайын орта есеппен 30-дан 35 мың текше метрге дейін құм-тұз қоспасы пайдаланылады.