Талап биігінде

Қорғаныс министрі Әділбек Жақсыбеков Гвардейск гарни­зо­ны­ның құралымдары мен бөлім­дерін жұмыс сапарымен аралап қайтты. Оның барысында қор­ға­ныс ведомствосының басшысы ар­тиллеристер мен танкистердің, жеке медициналық отрядтың қыз­мет жағдайымен және оқ-дә­рілерді жою пунктінің жұмысы­мен танысты. Қорғаныс ведомствосының бас­шысы оқ-дәрілерді жою пункті­нің жұмысына қанағаттана­ты­нын білдірді. Мұнда ТМД елдері арасындағы ең мықты, халық­ара­лық стандарттарға сай заманауи, автоматтандырылған жаб­дық­тар сатып алынған. Қорға­ныс министрі осындағы техника­лық қызмет көрсету және жөн­деу, артиллериялық оқтарды бөл­шектеу, жарылғыш заттарды жою цехтарының жұмыс үдеріс­терімен және уақытша сақтау алаңымен танысты. Мұнда жұ­мыс қызып тұр. Арнайы оқы­тылған мамандар, негізінен за­пас­тағы әскери қызметшілер, қау­­іпсіздік нормаларын сақтауда. Әділбек Жақсыбеков сондай-ақ, мәдени-демалыс орталығын аралап, 900 орындық мектептің құ­рылыс барысымен танысты. – Айтарлықтай маңызды өз­ге­рістер бар, – деді Қорғаныс ми­нистрі. – Бүгін мұндағы әс­ке­ри қызметшілердің тұрмыс-тір­ші­лігі үшін барлық жағдай жа­салыпты, мұны бізден Елбасы – Қарулы Күштердің Жоғарғы Бас қолбасшысы Нұрсұлтан Назарбаев талап етіп отыр Жеке медициналық отрядта Әділбек Жақсыбеков 40 адамға арналған хирургиялық бөлімді аралады, мұнда медициналық қыз­мет тек әскери қызметшілерге ғана емес, тұрғын халыққа да көрсетіледі. Ол, сонымен қатар, бүгінде әскерлердің жауынгерлік әзірлігіне баса назар ауда­ры­ла­тындықтан, гарнизонның тех­ни­калық жабдықталуын да көңіл­ден тыс қалдырған жоқ, Бүгінде Гвардейск гарнизоны бөлімдерінің біріне Жамбыл об­лысында тіркелген запастағы құ­рамнан 100-ден астам жігіт оқу-жаттығу дайындығына ша­қы­рылды. Бұл Елбасы – Қарулы Күштердің Жоғарғы Бас қол­бас­шысы Н.Ә.Назарбаевтың жұмы­л­дыру резервін дайындау, әскери міндетті азаматтарды үйрету жө­ніндегі нақты тапсырмасының жү­зеге асырылуы, деп атап өтті Қорғаныс министрі. Оксана ПАРПУРА, Қорғаныс министрлігі баспасөз қызметінің қызметкері. ––––––––––––––––––– Суретті түсірген Ермек САРБАСОВ.