Оркестрлер шеруі

Алматы аспанын бекзат музыкаға бөледі Оңтүстік астана Қала күні қар­­саңында, яғни 14-16 қыркүйек ара­лығында  ашық аспан астында «Оркестрлер шеруі» атты музыка фестивалін өткізді. Ғылым академиясы алдын­да­ғы Ш.Уәлиханов алаңында опера жұл­­­дыздары мен бетке ұстар оркестр­­лер халықтық және клас­сикалық шығармаларды орындап, қалалық­тарға ерекше мерекені тарту етті. Фестиваль аясында алматы­лық­тар алғашқы күні ҚР мемлекеттік үрмелі аспаптар оркестрі­нің сүйе­­мелдеуімен Ресейдің Немирович-Данченко атын­дағы музы­ка­­­­лық театрының май­тал­маны Денис Макаровтың өнерін тама­ша­ла­ды. Келесі күні кезек халық му­зы­касына тиіп, «Оты­рар сазы» ор­кес­трінің сүйе­мел­деуімен Бибігүл Төлегенова, домбыра­шы­лар дуэті, Мейір Бейнешов сынды сахна саң­лақтары сайрады. «Оркестрлер шеруі» фестива­лі­нің шымылдығын мемлекеттік академиялық симфониялық оркестр жапты. Жәния Әубәкірова, Денис Макаров (Ресей), Балжан Асатур (Армения) сынды айтулы музыканттар өнерсүйер қауымды бір серпілтіп өтті. Айнаш ЕСАЛИ. Алматы.