Шығыс Қазақстанның Абай ауданында төтенше жағдай жарияланды

Абай ауданы әкімінің шешімімен аумақта табиғи сипаттағы төтенше жағдай жарияланды, деп хабарлады төтенше жағдайлар департаменті Саржал ауылдық округіне қарасты шаруа қожалықтарының барлық бағыт бойынша жолдары ақ түтек бораннан көрінбейді. Қолайсыз ауа райына байланысты (қар, жаңбыр, аяз, бұрқасын) шаруа қожалықтарындағы тұрғындардың тіршілік әрекеті қиындады. Ондағы жағдай ушығып, азық-түлік, дәрі-дәрмек, малдың жем-шөбін жеткізу қиындай түсті, малды жайылымға шығару да мүмкін болмай отыр. Қараша айында ауа райы күрт нашарлады. Қалыңдығы жарты метрден аса жауған қар жаңбырға ұласты, кейінірек аязды ауа райы ақ түтек боранға айналды.