27 қарашада Польша Республикасының Люблин қаласында киокушинкай-кан каратэ бойынша жастар арасында Еуропа Кубогы өтті. Қазақстан командасы 12 медаль: 5 алтын, 4 күміс, 3 қола иеленді, деп хабарлады Штаттық ұлттық командалар мен спорт резерві дирекциясының баспасөз хатшысы Ардақ Тоғымов.
20-дан астам елден 500 қатысушы бес татамиде жарысқа түсті. Қазақстан құрамасы беделді жарысқа 10-17 жас аралығы санатында 20 спортшы құрамымен барды.
Біздің құраманы ересектерге арналған киокушинкай-кан каратэ республикалық ұлттық федерацияның бас бапкері Әбжанов Дастан Дуйсенбаевич, Ұлттық федерацияның жастар бойынша бас бапкері Имашев Азамат Болатұлы мен Қарағанды облыстық филиалының басшысы Лим Игорь Геннадьевич басқарып барды.
