Түркістан бокстан əлемнің вице-чемпионы Бек Нұрмағанбетті күтіп алды

Бүгін Түркістандық жас боксшы Бек Нұрмағанбет Ресейдің Санкт-Петербург қаласында өткен жастар арасындағы әлем чемпионатынан күміс медальмен оралды, деп хабарлады қала әкімдігінің баспасөз қызметі. Таңертең түркістандықтар теміржол вокзалынан батырын сән-салтанатымен күтіп алып, Б.Нұрмағанбет және оның жаттықтырушысы А.Керімжановқа ерекше сый-құрмет көрсетті. Жас жеңімпазды күтіп алу рәсіміне Түркістан қаласы әкімінің орынбасары Ғ.Рысбеков, Қ.А.Ясауи атындағы ХҚТУ спорт факультетінің деканы Е.Маханбетов, «Ә.Нұрмаханов атындағы олимпиада резервін дайындайтын мектеп директоры, қалалық мәслихат депутаты Е.Тәңірбергеновтер қатысып, Б.Нұрмағанбетке шапан жауып, қаржылай сый-сияпат жасаса, боксшының өзі білім алатын ХҚТУ басшылығы тарыпанан ай сайын шәкіртақы бөлінетінін қуанышты түрде жеткізді. Талантты жас спортшының бұл жетістігін мамандар жоғары бағалап отыр. Бойшаң әрі қимылы шапшаң, қолдары да ұзын. Бекзат батырдың ізін жалғап жүрген өрен бұдан былай Қазақстан ерлер арасындағы ұлттық құрама сапында өнер көрсететін болады. Айта кетейік Б.Нұрмағанбет Қ.А.Ясауи атындағы Халықаралық қазақ- түрік университетінің спорт бөлімінің 2-курс студенті. Боксшыны жеңісімен құттықтай келген жерлестері алдында бұл жүлдесін ел Тәуелсіздігінің 25 жылдық мерейтойына арнайтындығын жеткізді.