Қаршыға ұстаймын деп қолға түсті

Жуырда Ақтөбе облы­сы­ның Шалқар ауданына қа­рас­ты Ащыбұлақ өңірінен Си­рия Республикасының аза­маты қолға түсті. Полицейлер алдын ала тергеу барысында шетелдік азамат пен Алматы облысының Еңбекшіқазақ ау­данындағы Байсейіт ауылы­ның 21 жастағы тұрғынының заңсыз аңшылық жасап жүр­гендігі анықталды. «Охотзоопром» мекемесінің қызметкерлері далалы жерде «Ми­цубици пейджеро» автокө­лі­гін тоқтатқан. Күдік туғызған жан­дар Шалқар аудандық ішкі істер бөліміне жеткізіледі. Тәр­тіп сақшылары тексеру жұмыс­тар­ын жүргізіп, 48 жастағы си­риялық азаматтың және алматы­лық жас жігіттің ешқандай рұқ­сат қағазсыз құс аулап жүрген­ді­г­ін анықтаған. Сирия азаматы елімізге жұмыс визасымен келіп, емін-еркін саятшылық құрыпты. Заңсыз аң аулап жүрген күдік­ті­лерден полицейлер 12 жабайы кө­гершін мен 1 қаршығаны тәр­кі­леді. Сонымен қатар, ұсталған сезіктілер көлігінің ішінен 13 құс томағасы мен 190 құс қамай­тын тор табылды. Табиғат қорғау жә­не ветеринарлық полиция бө­лімі қызметкерлерінің айтуынша, заң­сыз аңшылық салдарынан мем­ле­кетке 1 миллион 150 мың тең­ге шығын келген. Қазіргі таңда осы факты бойынша ҚР Қыл­мыс­тық Кодексінің 288-ші «Заңсыз аң аулау» бабына сәйкес қыл­мыс­тық іс қозғалып, тергеу-тексеру амал­дары жүргізіліп жатыр. Мәди ҚУАНЫШҰЛЫ. Ақтөбе облысы.