Ақтөбеде 6 қабатты тұрғын үй пайдалануға берілді

Тұңғыш Президент күні Ақтөбе қаласының 50 отбасына жаңа пəтерлердің кілті табысталды. Мемлекеттік бағдарлама бойынша жалға берілетін пəтерлердің кілтін облыс əкімі Бердібек Сапарбаев тапсырды. «Батыс-2» шағын ауданындағы 108 пəтерлі 6 қабатты тұрғын үйдің құрылысы «Өңірлерді дамыту 2020» бағдарламасы бойынша «Қазақстан ипотекалық компаниясы» арқылы жүргізілді. «Отбасын құрғаныма алты жыл болды. Қазір екі балам бар. Осыған дейін үйсіз жүрген едім. Бүгін үш бөлмелі пəтер алдық. Қуанышым қойныма сыймай тұр», – деді пəтер алушы Бағдат Табышов. Айта кетейік, қалада 2015 жылдан бері 900 отбасы сатып алу құқығымен жалға берілетін үйлерден баспана алды. 2016 жылдың соңына дейін «КИК» ипотекалық ұйымы арқылы 391 пəтер пайдалануға беріледі.