"Азия жүрегі" халықаралық конференциясы жалғасуда

Үндістанның Амритсар қаласында елдің премьер-министрі шетелдік дипломаттарды қабылдады, деп хабарлайды ТАСС Үндістанның Сыртқы істер министрі Викас Сварупқа сілтеме жасап. Министрдің айтуынша, кездесуге Пәкістаннан премьер министрдің кеңесшісі Сартадж Азиз да барған. Кеше Ауғанстан бойынша «Ыстамбұл үдерісіне» қатысушы елдердің сыртқы істер министрлерінің 6-ші жиыны шеңберінде "Азияның жүрегі және байланыс мүмкіндіктері" (Heart of Asia and Connectivity) атты халықаралық конференция басталған болатын. Басылымның хабарлауынша, бұл конференция екі күнге созылады. Жиынның бірінші күні делегаттар бірлескен отырыс өткізіп, Амритсарда орналасқан қасиетті ғибадатханаға барған. Бұған дейін хабарлағанымыздай,  конференцияға Үндістанның премьер-министрі Нарендра Моди мен Ауғанстанның президенті Ашраф Ганиден басқа 45 мемлекеттен делегаттар келген. Оның ішінде «Ыстамбұл үдерісіне» қатысушы 14 елдің (Қазақстан, Түркия, Әзербайжан, Қырғызстан, Ауғанстан, Үндістан, Иран, Қытай, БАӘ, Пәкістан, Ресей, Сауд Арабиясы, Тәжікстан,Түркменстан) өкілдері бар. Сонымен қатар осы үдерісті қолдайтын АҚШ, Еуроодақ, Ұлыбритания, Жапония секілді 17 мемлекет те өз делегаттарын жіберген. Бір айта кетерлігі, бұл конференция жыл сайын 2011 жылдан бері өткізіліп келе жатыр. Ол Ауғанстанның экономикалық байланыстарын дамытуға, лаңкестікпен, экстремизммен күрес жүргізуге бағытталған.