Шайбалы хоккей федерациясы атқарушы комитеті сайланды

Астанада Қазақстан шайбалы хоккей федерациясының ХIII есептік-сайлауында «Даму» Қорының Басқарма төрағасы Қаныш Тулеушин Қазақстан шайбалы хоккей федерациясы атқарушы комитетінің мүшесі болып сайланды. Атқарушы комитет 4 жылда бір рет, Қазақстан шайбалы хоккей федерациясы президентінің сайлауымен бірге өтеді. Конференция барысында Қазақстан шайбалы хоккей федерациясының президенті болып бұрынғы ҚХФ президенті Асқар Мәмин қайта сайланды. Сондай-ақ Қазақстан шайбалы хоккей федерациясының бас директоры Юрий Зверев пен Федерация атқарушы комитетінің бұрынғы мүшелері де қайта сайланды. Шара барысында Қазақстан шайбалы хоккей федерациясы президенті алдағы үш жылға арналған басты міндеттерді атап өтті. Олардың арасында: Орал, Шымкент, Қызылорда және Ақтауда кәсіби хоккей клубтарын құру; әйелдер хоккейінің аясын кеңейту және әйелдер командалары арасында Қазақстан Республикасының біріншілігін өткізу;өңірлерде хоккей спортын дамыту үшін қала мен облыс әкімшіліктері, «Нұр Отан» ХДП бөлімшелері және ҚР дене шынықтыру және спорт басқармаларымен жұмыстарды нығайту секілді көптеген шаралар бар. Айнаш ЕСАЛИ, «Егемен Қазақстан». АЛМАТЫ