Халықаралық компания ҚР Премьер-лига үздіктерін атады

Халықаралық Instat компаниясының саралау жұмыстары нәтижесінде Қазақстан Премьер-лигасының үздік футболшысы Рохер Каньяс болды, деп хабарлады "Астана" футбол клубының баспасөз қызметі. Маусым бойында өткізген ойындардағы барлық жеке көрсеткіштердің жоғары болуы «Астананың» колумбиялық жартылай қорғаушысына ықпалын тигізді. Оның орташа индексі 220-ға тең. Чемпионатта 31 матч (2897 минут алаңда) өткізіп, 1 гол және 1 ассист жасай алған. Жалпы колумбиялық легионер қақпаны 36 рет көздеп, оның ішінде 9 соққысы қақпаға тура бағытталды. Өзі 40 рет тәртіп бұзса, оған қарсы 48 рет дөрекі ойналған. 26 жастағы Рохер Каньяс 90 минут ойында 68(60 дәл пас) пас беріп үлгереді. Бұл рейтингте екінші орында Дмитрий Шомко тұр. «Астана» қорғаушысының да орташа индексі 220-ға тең. Ол 29 ойында (2686 минут) бір гол соғып, голмен аяқталған 8 пас шығарды. Үшінші орында 218 орташа индексімен «Қайраттың» үздігі Бауыржан Исламхан. Ол Премьер-лигада 31 матч (2788 минут) өткізіп, 17 гол салып, голмен аяқталған 10 пас шығарған. Ел құрамасының үздік ойыншыларының бірі қақпаны 85(40 соққы тура) рет көздеген. Орташа көрсеткішпен Бауыржан Исламхан 90 минутта 75 пас беріп, оның ішінде 66 пас әріптестеріне дәл жеткізілді.