Метро

Онда ұялы байланыс болмайды және логотип өзгереді Алматы тұрғындары 20 жылдан астам тағатсыздана күтіп жүрген метро Тәу­ел­сіздігіміздің  20 жылдығына орай қалалықтар игілігіне бе­рілмек. Бұл күндері құ­ры­лысы толық аяқталған метрода дайындық жұмыстары қарқын алуда. Метроның сәу­леттік сән-сал­та­наты қан­дай екенін ел оған отыр­ғанда біле берер. Қазіргі белгілісі, Алматы метрополитені ұялы байланыс­пен қамта­масыз етілмейді және оның символы өзгереді. Қалай десек те, ендігі жер­де метроның уәде етілген мерзімде іске кірісуі қай жағынан да аса маңызды. Ал метроның ұялы бай­ла­ныс­пен қам­тыл­майтындығына келсек, бұл қадам Қазақстан азаматтарының қауіпсіздігі үшін жасалған шара. Егер елдің есінде болса, Мәскеу мен Минскідегі терактілер ұялы байланыстың көмегі­мен іске асқаны белгілі. Метро бас­па­сөз қызметінің мәлімдеуінше, құқық қорғау органдары басқа елдерде орын алған қайғылы оқиғаларды қаперге ала оты­рып, метро стансалары мен құрылғыларына ұялы бай­ла­ныс қыз­ме­тін енгізбеу жайлы кеңес берген. Бірақ, осыған қарамай, кейбір ұялы бай­ла­ныс операторлары метрода өз абоненттеріне қызмет көр­се­туге дай­ын екендігін білдіріп, тек рұқсат алу­ды ғана күтіп отырған жайы бар. Ал 7 стансадан тұратын, ұзын­ды­ғы 8,56 шақырымды құрайтын Алма­ты метросы­ның бірінші кезегі жел­тоқсан айында жұрттың игілігіне берілетіндігінен халық құлағ­дар болып отыр. Және Алма­ты метросының логотипі де көпшіліктің көңілінен шық­пай жүргендіктен, биыл оның белгісіне байқау жарияланған бо­ла­тын. Бұл жарысқа жаз айла­рында 180-ге тарта жұмыс қа­тысып, 57 адамның 96 жұ­мы­сы сараптамалық комиссия мен қоғамдық талқылауға ұсы­нылған-ды. Оның ішінде тар­тымды деп табылған 8-і ірік­теліп, 5-і қалалық құры­лыс кеңесінің шешім қа­был­дауына аттандырылған еді. Бұлар – Максим Малы­шев, РА MOVATORS idea farm, Антон Ахматов, Никита Франковский мен Руслан Сүлейменовтердің эскиздері болатын. Ең үздік деп та­был­ған символ Алма­ты қа­ласы күнінде белгілі болуы тиіс еді. Ал сараптамалық комиссия құ­рамын­да Қазақ­стан Дизайнерлер ода­ғының төр­ағасы Тимур Сүлейменов, көптеген беделді халықара­лық және қазақстандық бай­қаулардың жүлдеге­рі   Сергей Радионов,   Астана күні­нің 10 жылдығы және VII Қысқы Азия ойындарына ке­ңес берген Джанэт Жакиен сияқты дизайнерлер жұмыс істеген. Ал осы аралықта  Face­book әлеуметтік желісі арқы­лы ең көп дауысқа   Асқар Ма­хамбетжанов (70 дауыс), Сәкен Жолдас (154 дауыс), Антон Ахматов (87 дауыс) және Олег Зуев (51 дауыс) иемденген болатын. Алайда, қалалық кеңес бекіткен жаңа логотипке көңілі толмаған интернет-қолданушылар қызу қарсылық білдіргеннен кейін, шілде айында қайта конкурс жарияланды. Енді ел қолдаған жаңа сим­волды тұңғыш метро желтоқ­санда жолға шығатын болады. Айнаш ЕСАЛИ, Алматы.