Биыл елімізде 136 мың түлек оқуын аяқтайды. Олардың 6280-і «Алтын белгіге» үміткер. Білім және ғылым министрлігінің мәліметіне сәйкес, қазақ тілінде білім алған түлектердің саны 90800 болса, орыстілді сыныптар 39300 баланы білім нәрімен сусындатқан. Өзге тілдерде оқығандар 6 мыңнан асады.
Түлектер саны ең көп аймаққа Оңтүстік Қазақстан облысы, Алматы облысы және Алматы қаласы кіреді. Ал Астанада 5 мыңға жуық оқушы мектеп бітірді.
Қазақстанда 95340 түлек Ұлттық бірыңғай тестілеуден өтуге тілек білдірген. Жаңа үлгідегі білім сынағы 20 маусымда басталып, 1 шілдеге дейін жалғасады. Ал аттестаттарды тапсыру рәсімі мектеп әкімшілігінің шешімі бойынша 10-12 маусым аралығында өтуі керек. Өйткені министрлік оқуды аяқтау шараларын 15 маусымға дейін мектеп қабырғасында өткізуді ұсынған болатын.
