Жедел-іздестіру шаралары барысында бір қылмыстық схема аясында әрекет еткен 31 және 21 жастағы екі шетел азаматы ұсталды.
Тергеу нәтижесінде олардың синтетикалық есірткі дайындаумен айналысқаны белгілі болды. Тінту кезінде зертханаға қажетті құрал-жабдықтар, химиялық реагенттер және өткізуге дайындалған 1,3 келіден астам мефедрон тәркіленді.
Қазіргі уақытта күдіктілер уақытша ұстау изоляторына қамалды. Қылмыстық істің барлық мән-жайын анықтау, оның ішінде ұйымдастырушы мен өзге де қатысы бар тұлғаларды әшкерелеу жұмыстары жалғасып жатыр.
Полиция есірткі құралдарының заңсыз айналымы қылмыстық жауапкершілікке әкелетінін ескертеді.
